Isaia 12:2 - ÎVUKU RÎA ÛVORO MWARO

² Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 12:2 ပူးပေါင်းရင်းမြစ်များ

2Sam 7:24

We nîûtuîte Aisiraeli andû aku we mwene tene na tene, nawe Ngai-Mûnene ûgatuîka Ngai wao.

Ayubu 13:16

Ûndû ûyû nîguo ûkaamvonokia, atî mûndû mwîvia ndangîvota kûthiî mbere ya Ngai.

Thaburi 112:8

Ndamakaga na ndetigagîra, nginya rîrîa akoona nthû ciake ikîvootwa.

Thaburi 118:14

Ngai-Mûnene nîke vinya wakwa na nîke minagîra; nîke ûtuîkîte ûvonokio wakwa.

Thaburi 118:21

Nîngûgûcokeria ngatho we Ngai-Mûnene, nîûndû nîûnjokeretie îvoya rîakwa; na nîûtuîkîte ûvonokio wakwa.

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 65:6

Nîwavandire irîma varîa irî na vinya waku, na ûkîonania ûvoti waku mûnene.

Thaburi 68:20

Ngai wetû nîke ûtûvonokagia; nîke Ngai-Mûnene, Mwathani wetû, ûrîa ûtûvonokagia kuuma gîkuûrî.

Thaburi 68:21

Ngai nîagaatombora ciongo cia nthû ciake, ciongo cia arîa matûûraga mevagia.

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Isaia 10:24

Kwoguo Mwathani, Ngai-Mûnene mwene vinya wonthe arauga atîrî, “Mue andû akwa arîa mûtûûraga Zayuni, mûtigetigîre andû a Asîria wana mamûriva na njokoma kana mûragi ta ûrîa mwekagwa nî andû a Misiri.

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 27:5

Tiga nwa maûkire kûrî nie nîmagitîre, tiga tûgîe na thayû nao, îî, tiga tûgîe na thayû nao.”

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 38:20

“Ngai-Mûnene nîakaamvonokia, natue nîtûkaamwinîra tûkîvûraga kînanda Kîam ngunju nyîngî mîthenya yonthe ya ûtûûro wetû, tûrî nyombarî ya Ngai-Mûnene.”

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 49:5

Na rîu Ngai-Mûnene arauga atî; ûrîa wambîtire kuuma nîrî îvurî rîa nyanya, nîguo nduîke ndungata yake; nîguo njokie andû a Jakovu kûrî ke, nîguo njokanîrîrie andû a Isiraeli varî ke. Ngai-Mûnene nîamvete gîtîîo, na Ngai wakwa nîke ûtuîkîte vinya wakwa.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 62:11

Taroriani Ngai-Mûnene nîanîrîrîte nthî yonthe. Îrani andû a Zayuni atîrî, “Ngai-Mûnene nîaûkîte kûmûvonokia, aûkîte arî na iveo ciake, aûkîte na andû arîa aavonokirie.”

Isaia 65:18

Nwatî tûûragani mûkenete vîndî cionthe, mûgîcanjamûkaga nîûndû wa indo irîa ngûmba. Jerusalemu îrîa ngûmba îkethagîrwa îrî gîkeno, nao andû a kuo mageekaraga makenete.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Jeremia 3:23

Nama tûrî aveenie mûno rîrîa tûragooca tûrî îgûrû rîa irîma; nama ûvonokio wa Isiraeli; umaga kûrî Ngai-Mûnene Ngai wetû.

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Jona 2:9

Nwatî nîngaakuinîra nyîmbo cia gûgûkumia; nîngaakûrutîra îgongoona, na mvingie ûrîa mbîranîrîte na mwîvîtwa. Ngai-Mûnene nîke ûvonokanagia!”

Habakuku 3:18

nie ngaakenagîrîra Ngai-Mûnene, ngenagîre Ngai ûrîa ûmvonokagia.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Kûguû 7:10

Andû acio nîmaaugagîrîria na mûgambo mûnene atîrî: “Ûvonokio uumaga kûrî Ngai wetû, ûrîa wîkarîrîte gîtî Kîam ûthamaki, na kûrî Gatûrûme!”

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!