Isaia 11:4 - ÎVUKU RÎA ÛVORO MWARO

⁴ Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 11:4 ပူးပေါင်းရင်းမြစ်များ

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

Ayubu 15:30

Ndakaaûrîra nduma, agekara ta mûtî ûrîa matheûka maguo mavîvagua nî mwaki, na marao maguo makagûrûkua nî rûkûngi.

Ayubu 4:9

Andû acio nîmathiragua viû nî mîvevû ya Ngai, amavûraga na marakara make akamathiria viû.

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 18:8

Ndogo yaumagîrîra maniûrûrî make, rûrîrîmbî rwa mwaki wa gûcûkangia rwaumagîrîra kanyuarî gake; na makara ma mwaki nîmaaumaga kûrî ke.

Thaburi 2:9

Nîûgaacûkangia mavûrûri marîa mengî mathire viû, ûkaamaûraga mavaragane ta nyûngû ya yûmba.’ ”

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Isaia 13:11

Ngai-Mûnene arauga atîrî, “Nîngaaverithia nthî nîûndû wa waganu wayo, na mverithie andû arîa aganu nîûndû wa mevia mao. Nîngaathiria mwîtîîo wa andû arîa eyambî, na nthirie mwîcaaro wa andû arîa matarî ntha.

Isaia 14:30

Marikithathi ma athîni nîmakaagîa na irio cia kûrîa, na mamamage marî na thayû. Nwatî mue Afilisiti, nîngaathiria rûciaro rwenyu na yûra, na ûrîa ûgaatigara arî mwoyo nîngaamûraga.

Isaia 16:5

mûndû wa rûciaro rwa Daudi nîagaatuîka mûthamaki; na nîakaatha andû na wîvokeku na wendo ûtathiraga. Ke agaatucanagîra ciira na kîvooto na waragania na ekage maûndû ma ûthingu.”

Isaia 2:4

Ngai nîagaatuithania ciira gatagatî ka mavûrûri, na nîakeguîthania ndûrîrî nyîngî; magaatura mviû ciao cia njûra ituîke macembe ma mîraû, namo matumû mao matuîke tûviû twa gûcaa. Vûrûri ndûkaarûa na vûrûri ûrîa wîngî, kana merute kûrûa rîngî.

Isaia 26:6

Îtûûra rîu nîrîkinyangagwa, na magûrû ma athîni, na ma ngîa.

Isaia 29:19

Andû arîa avooreri nîmakaagîa na gîkeno gîcerû kuuma kûrî Ngai-Mûnene, nao arîa athîni gûkû nthî nîmagaakena nîûndû wa Ûrîa Mûtheru wa Isiraeli.

Isaia 3:14

Ngai-Mûnene nîaracirithia andû; aracirithia athuuri na atongoria a andû ake. Arameera atîrî, “Nîmue mûcûkangîtie mûgûnda wa mîthavibu, na indo irîa mwatavire athîni irî nyombarî cienyu.

Isaia 30:28

Mîvevû yake îkariî ta rûnjî rwîcûrîte rûkauna, manjî ma ruo makinyaga mûndû ngingo; Aûkîte kwinainia ndûrîrî aicûkangie, agaciovania na aivire kûrîa itendaga kûthiî.

Isaia 30:31

Asîria nîmagecûrwa nî guoya mûnene rîrîa makeegua mûgambo wa Ngai-Mûnene akîmaringa na mûragi wake.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 32:1

Nîgûkaagîa na mûthamaki ûkaathanaga na ûthingu, na anene mathanage na kîvooto.

Isaia 32:7

Mîthiîre ya mûndû ûrîa mûthunu nî mîcûku; avangaga maûndû ma waganu nîguo acûkangie athîni na ciugo ciake cia maveeni, wana rîrîa athîni maretia kîrîa kîmagîrîrîte.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 40:7

Nyaki nîyûmaga namo maûa makavova, rîrîa rûkûngi rwa Ngai-Mûnene rwavurutana îgûrû rîamo; nama, andû mekariî ta nyaki.

Isaia 49:2

Ke nîwatûmire ciugo ciakwa ciûvîge ta rûviû rûrîa rûûgî, na akînthitha rungu rwa kîruru Kîam njara yake. Aanduire ta mûguî ûrî mûvarîrie gûtûmîrwa, na akînthitha thiakarî yake.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 33:15

Mîthenya îo na îvinda rîu, nîngatûma kûgîe na mûndû mûthingu kuuma rûciaro rwa Daudi atuîke mûthamaki; nake nîakaathana na ûûma na kîvooto gûkû nthî.

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Malaki 4:6

Nake mûrathi Elija nîagaacokanîrîria aciari na ciana ciao; na ethîrwa tî guo, nîngaûka na njûkangie vûrûri wenyu.”

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Mathaayo 5:5

Kûrathimwa nî arîa avoreri; nîûndû nîmakagaa nthî!

Ciîko 9:1

Nwatî kavindarî wa kau Saûlo nîwekaraga akîvavûraga arûmîrîri a Mwathani, akiuga atî nîakûmaûraga. Kwoguo nîwathiîre kûrî Mûthînjîri-Ngai ûrîa mûnene,

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

Agal 5:23

ûvoreri na kwîrigîrîria merirîria ma kîîmwîrî. Gûtirî watho ûreganîte na maûndû ta mama.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Jakuvu 3:13

Nîkûrî na andû gatagatîrî kenyu marî na ûûgî na ûtaûku? Nîmwagîrîrwe nîkûwonania na njîra ya mîtûûrîre yenyu mîaro na njîra ya ciîko cienyu mbaro ciîkîtwe na wînyivia na ûûgî.

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.

Kûguû 2:16

Rîu îrireni! Ethîrwa mue tîmwîrira, nie nîngûka kûrî mue narua na ndûe na andû acio na rûviû rûrîa rumaga kanyuarî gwakwa.