Isaia 11:3 - ÎVUKU RÎA ÛVORO MWARO

³ Nîagaakenagua nî kwathîkîra Ngai-Mûnene. Ndagaatucanagîra kûringana na ûrîa metho make monaga, kana atue ûndû kûringana na ûrîa matû make megucaga.

Isaia 11:3 ပူးပေါင်းရင်းမြစ်များ

2Sam 14:17

Nîreîraga atî ûrîa mwathi wakwa ûkambîra nîguo ûgatûma mvorere, nîûndû mûthamaki ekariî ta mûraika wa Ngai na nwa avote gûkûûrana gatagatî ka ûndû mwaro na ûndû mûcûku. Ngai-Mûnene, Ngai waku aroekara nawe!”

2Sam 14:8

Mûthamaki nîwacokire akîîra mûndûmûka ûcio atîrî, “Thiî gwaku mûciî, nîngûrûmbûyia ûvoro ûcio.”

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

Ayubu 12:11

Anga gûtû gûtithimaga ndeto, ta ûrîa rûrîmî rûcamaga irio?

Ayubu 34:3

nîûndû gûtû nîkuo kûthimaga ndeto, wata ûrîa rûrîmî rûcamaga irio.

Nthi 2:5

weka ûguo nîrîo ûkaamenya gwîtigîra Ngai-Mûnene na ûgîe na ûmenyo wa Ngai.

Nthi 2:9

Ûngîrûmîrîra ciugo ciakwa, nîûkaamenya maûndû ma ûthingu na ma kîvooto na waragania, nîûkaamenya ûndû wonthe ûrîa mwagîrîru.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Ezek 45:8

Gîcunjî kîu gîgaatuîka îgai rîa mûnene ûrîa ûrathana vûrûrirî wa Isiraeli nîguo ndakavinyîrîrie andû akwa, nwatî areke andû magaîrwe vûrûri ûcio wîngî kûringana na mîvîrîga ya Isiraeli.”

Mika 4:3

Ngai nîagaatuithania maciira ma mavûrûri meengî, na egwithanie mavûrûri marîa marî vinya ma kûraca. Nîmagaatura mviû ciao ituîke macembe ma gûcimba, namo matumû matuîke tûviû twa gûcaa. Gûtirî vûrûri ûkaarûa na vûrûri wîngî, na gûtirî vûrûri ûkeevarîria nîûndû wa mbaara rîngî.

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

Johana 2:25

Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Johana 7:24

Tigani gûtucanagîra ciira kûringana na ûrîa maûndû monekaga mekariî, nwatî tucanagîrani ciira kûringana na ivooto.”

Ahib 5:14

Nwatî irio ino nyûmû nî cia andû agima, arîa marutîtwe na njîra ya ciîko gûkûûrana maûndû maro na maûndû macûku.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”