Isaia 10:33 - ÎVUKU RÎA ÛVORO MWARO

³³ Taroria, Ngai-Mûnene mwene vinya wonthe akaamarivania nthî ta ûrîa mvûa cia mûtî irivanagua ciatemwa; njamba irîa nene nîigaatemwa igwe nthî, nao arîa etîi nîmagaaconorithua.

Isaia 10:33 ပူးပေါင်းရင်းမြစ်များ

2Maû 32:21

Nake Ngai-Mûnene nîwatûmire mûraika na nîwathiîre akîûraga athigari arîa maarî njamba, anene a athigari a mbaara na anene onthe arîa maarî kûrîa mûthamaki wa Asîria aambîte magema. Kwoguo mûthamaki wa Asîria nîwacokire vûrûrirî wake aconokete mûno. Rîrîa aathiîre hekarûrî ya ngai yake, amwe a avîcî ake nîmaamûragire na mviû.

Isaia 18:5

Mbere ya thavibu ikethwa, kîrao gîatuîka na thavibu ciambîrîria gûtunîva, Ngai-Mûnene nîagaatinia matheûka na tûviû twa gûcaa, na nîagaacaa mvûa irîa iratamba.

Isaia 32:19

Naguo mûtitû nîûkaathirua viû, narîo îtûûra rîcûkangue viû.

Isaia 33:3

Andû nîmaûraga nî mûrurumo wa mûgambo waku, rîrîa waûkîra mavûrûri nîmanyaganagia.

Isaia 37:38

Mûthenya ûmwe, Senakeribu akîgooca arî nyombarî ya Nisiroki, ngai yake, avîcî ake Adurameleki na Sharezeri nîmaamûragire na mviû ciao, na makîûra makîthiî vûrûrirî wa Ararati. Nake mûvîcî, Esarihadoni nîwatuîkire mûthamaki vuva wake.

Isaia 5:15

Andû onthe nîmagaaconorithua, nao arîa onthe etîi megwithue nthoni.

Jeremia 22:7

Nîngûvarîrîria andû a gûgûcûkangia, wa mûndû arî na indo cia mbaara njararî, nao nîmagaatema mîtarakwe îrîa mîaro, na mamikie mwakirî.

Ezek 31:3

Nîngûringithania na mûtî wa mûtarakwe wa Lebanoni, ûrîa ûrî mvûa mbaro na ûrî kîruru Kîamro. Nî mûtî mûraca mûno ûkinyîte maturî.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Amosi 2:9

“Kûnarî ûguo, mue andû akwa, nînathiririe Aamori viû nîûndû wenyu, arîa maaracavîte ta mîtarakwe, na maarî na vinya ta mîtî ya mîvuru, na nînacûkangirie mvûa vamwe na mîri.

Nahumu 1:12

Ngai-Mûnene arera andû ake atîrî, “Wana ethîrwa Asîria nî engî na marî vinya, nîmakaavootwa na macûkangue. Wana ethîrwa nînîmûnyamarîtie mûno, nie tînîmûnyamaria rîngî.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”