Isaia 10:3 - ÎVUKU RÎA ÛVORO MWARO

³ Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 10:3 ပူးပေါင်းရင်းမြစ်များ

Kîam 31:1

Jakovu nîwegwire atî avîcî a Labani maaugaga atîrî, “Jakovu nîakuuîte indo cionthe irîa ciarî cia vava. Ûtonga ûyû wonthe arî naguo umanîte na indo irîa vava aarî nacio.”

2Atha 7:15

Arûme acio nîmaathiîre Jorodani na makîona nguo inyagarûkîte njîrarî na indo ciîngî irîa andû a Sîria maatecaga maûrîte. Ndungata icio nîciacokire rîngî na ikîra mûthamaki ûvoro ûcio.

Ayubu 31:14

rîrîa Ngai agaûka kûnduîra ngeka atîa? Rîrîa Ngai akanjirithia ngamûcokeria atîa?

Nthi 11:4

Ûtonga ndûgunaga mûndû mûthenya wa îtuîro, mwatî ûthingu nîûvonokagia mûndû kuuma kûrî gîkuû.

Isaia 13:6

Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Isaia 17:4

“Mûthenya nîûgaakinya, rîrîa riiri wa Isiraeli ûkaanyivanyivua, na ûtonga wa kuo ûthire.

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Isaia 26:14

Andû acio nîmaakwire na matigaatûûra mwoyo rîngî; nîmatuîkîte iruru na matikaariûka. We nîwe wamaverithirie na ûkîmathiria, na gûtirî mûndû ûkaamaririkana rîngî.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Isaia 28:20

Nîûndû ûrîrî wenyu nî mûkuvî mûno mwîtambûrûkîtie kuo, naguo mûrengeti ûrîa mwîkunîkagîra naguo nî mûceke mûno.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 30:16

Vandû va ûguo mue mwaugire atîrî, “Naarî! Tue tûkaavinyûra tûtwîte mbarathi irîa irî îvenya.” Îî nîguo, nîmûkaavinyûra na mbarathi irîa irî îvenya, nwatî arîa makaamûvinyûria makethîrwa matwîte mbarathi irî na îvenya makîria!

Isaia 30:5

onthe nîmagaaconorithua nî andû matangîmaguna, andû acio matangîmatethia kana mamaguna, tiga kûmaconorithia na kûmanyararithia.”

Isaia 30:7

Nîûndû ûtethio wa Misiri nî wa mana na ndûrî kîguni; kwoguo nîmvete Misiri rîîtwa, ‘Rahabu.’ ”

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 39:3

Mûrathi Isaia nîwacokire akîthiî kwa Hezekia na akîmûria atîrî, “Andû aya makwîra atîa na maumîte kû?” Hezekia nîwacokirie atîrî, “Maûka kûrî nie maumîte Babuloni vûrûri wa kûraca.”

Isaia 5:14

Kwoguo kwa arîa akuû nîkûmetererete na vinya, kwathamîtie kanyua ga kuo nginya mûthiia. Atongoria na andû arîa engî a Jerusalemu matonyaga kuo marî ikundi, wa vamwe na andû eengî arîa magûkenagîrîra.

Isaia 5:26

Ngai-Mûnene nîakaamenyithia vûrûri wa kûraca, na augîrie andû mûrûri kuuma mîthiia ya nthî; nao magaaûka mavinyûrîte.

Jeremia 22:7

Nîngûvarîrîria andû a gûgûcûkangia, wa mûndû arî na indo cia mbaara njararî, nao nîmagaatema mîtarakwe îrîa mîaro, na mamikie mwakirî.

Jeremia 4:30

We Jerusalemu kaî wî na thîna-î! Wîkagîra nguo îno ndune nîkî? Wîgemagia ûthiû na ûgekîra mathaga ma thaabu nîkî? Kwîgemia gwaku nîkwa mana. Arîa makwendete nîmarakûnyarara, na magacaria ûrîa mangîkûûraga.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 9:9

Nwa ndege kûmaverithia nîûndû wa maûndû mama? Nwa ndege kwîrîvîrîria kûrî rûrîrî ta rûrû?” Ûguo nîguo Ngai-Mûnene arauga.

Hosea 5:13

Rîrîa andû a Efiraimu mamenyire kûrîa marwarîte, na andû a Juda makîona ironda ciao, andû a Efiraimu nîmaathiîre Ashuru, kûvoya ûtethio kûrî mûthamaki mûnene; nwatî mûthamaki ndavota kûmathondeka, wana ndavota kûvonia ironda ciao.

Hosea 9:5

Mûgeeka atîa mûthenya ûrîa mûtuîte wa kîrugo, na mîthenya ya kîrugo Kîam Ngai-Mûnene?

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Amosi 5:19

Nîta mûndû akîûra nî mûnyambû agacoka agatûngwa nî ngatûnyi, kana atonyete nyomba na agetira rûthingorî na njara îkarûmwa nî njoka.

Mika 7:4

Ûrîa mwaro mûno ekariî ta ria, na ûrîa mwathîki mûno ekariî ta mûgûnda wa mîgua. Îvinda rîa kûverithua nî Ngai nî rîkinyu, na rîu nîavîngîcîku.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Luka 19:44

Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.