Isaia 10:17 - ÎVUKU RÎA ÛVORO MWARO

¹⁷ Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 10:17 ပူးပေါင်းရင်းမြစ်များ

Thaburi 18:8

Ndogo yaumagîrîra maniûrûrî make, rûrîrîmbî rwa mwaki wa gûcûkangia rwaumagîrîra kanyuarî gake; na makara ma mwaki nîmaaumaga kûrî ke.

Thaburi 21:9

Nîûkaamathiria ta ûrîa mwaki ûvîvagia indo ikathira rîrîa akaaumîra. Ngai-Mûnene nîakaamathiria na marakara make, na nîmakaavîvua nî mwaki mathire viû.

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 97:3

Mwaki ûthiîcaga ûrî mbere yake, ûthiîcaga ûkîvîvagia nthû ciake irîa irî vakuvî.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 27:4

Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Isaia 27:7

Ngai-Mûnene ndaaverithia Aisiraeli na vinya ta ûrîa aaverithirie nthû ciao. Aisiraeli arîa maaûragîrwe mbaararî, nî anini gûkîra nthû ciao.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 33:12

Andû mageekara takwa mavîvîtue magatuîka mûu, kana ta mîgua îtemetwe îkavîvua na mwaki.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 37:23

Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Isaia 47:14

“Taroria andû acio magekara ta rûûa, na nîmakaavîvua na mwaki! Matikaavota kwîvonokia, kuuma rûrîrîmbîrî rwa mwaki. Mwaki ûcio ndûkavaana ta makara ma gwota, wana kana mwaki wa gwotwa.

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Isaia 9:18

Waganu wa andû wakanaga ta mwaki ûvîvagia nthaugû na mîgua. Wakanaga ta mwaki ûkîvîvia mûtitû ûkîrutaga ndogo ndito îkiunûkagia na îgûrû.

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Zakaria 12:6

“Vîndî îo nîngaatûma mbarî cia Juda ituîke ta mwaki ûgwakana mûtitûrî, kana ta mwaki ûgwakana mûgûndarî wa ngano îrî nyûmû. Nîikaavîvia ndûrîrî cionthe irîa iithiûrûrûkîrîtie na mwena wa ûrîo na wa ûmotho. Nwatî andû arîa matûûraga Jerusalemu magaatûûra kûu îtûûrarî na thayû.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Ahib 12:29

nîûndû Ngai wetû nî mwaki ûrîa ûvîvagia ûkathiria.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.