Isaia 10:14 - ÎVUKU RÎA ÛVORO MWARO

¹⁴ Ta ûrîa mûndû atambarûkagia njara akanyita kîomba Kîam gîconi, nwaguo naanyitire ûtonga wa andû. Ta ûrîa mûndû ocanagia matumbî matigîtwe kîombarî, nwaguo mbocete andû a nthî yonthe. Gûtirî mûndû wanarî ûmwe wambararirie îthagu kana atumûra kanyua ambugîrîrie!

Isaia 10:14 ပူးပေါင်းရင်းမြစ်များ

2Maû 32:13

Nîkwa mûtaicî ûrîa nie na methe makwa twekire andû onthe a mavûrûri marîa mengî? Anga ngai cia mavûrûri mau nîciavotire kûmavonokia kuuma kûrî nie?

Ayubu 31:25

Ndianakena nîûndû nîrî na ûtonga mwîngî, kana nîtîîa nîûndû nînjarîtie indo nyîngî.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Isaia 14:6

ûrîa maarivaga andû naguo marî na marakara matagûtigithîria, na kûmatha makîmanyariraga matarî na ntha.

Isaia 37:25

Nînenjire ithima na ngînyua manjî ma cio, na nînanyarithirie nyûnjî cionthe cia Misiri, na makinyo ma magûrû makwa.

Isaia 5:8

Mue nyomba na mîgûnda kaî mûrî na thîna-î, mwongagîrîra mîgûnda kûrî îrîa mûgûrîte, nginya rîrîa gûkethîrwa gûtarî na vandû mûndû wîngî angîtûûra, na mûgatûûra mûrî muenga.

Jeremia 49:16

Guoya îrîa wîkîrîte andû na mwîtîîo waku nîikûveenetie, we wîkaraga ngurungarî cia mathiga na ûtûûraga kîrîmarî îgûrû! Nwatî wana gwatuîka ûtûûraga îgûrû ta nderi, nîngakûnyûrûrûkia kuuma kûu ûtûûraga. Ûguo nîguo nie Ngai-Mûnene nauga.”

Ezek 35:13

Nîmbîguîte ûrîa wîthîrîtwe ûgîîtîa na ûkîaria maûndû meengî mambîgiî.”

Obadia 1:4

Wana ethîrwa ûmbûkaga na îgûrû ta nderi, ûgatuma kîomba gîaku kûrîa njata irî, nîngaakûruta kuo ngûgwîthie nthî, ûguo nîguo nie Ngai-Mûnene nîrauga.

Nahumu 2:9

Tavani sîlûva! Tavani thaavu! Mûthithû wayo ndûrî mûthiia; kûrî na wîngî wa indo cionthe cia goro.