Isaia 10:13 - ÎVUKU RÎA ÛVORO MWARO

¹³ Nîûndû ke etîîaga akiugaga atîrî, “Mbîkîte ûndû ûyû nie mwene, wana ngameka na ûûgî wakwa nîûndû nîrî na ûmenyo. Nî nthengutîtie mîvaka ya mavûrûri, na ngamacuuna ûtonga wao; nîngwîthîtie athamaki ao ta matharîkîrîtwe nî ndegwa.

Isaia 10:13 ပူးပေါင်းရင်းမြစ်များ

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 16:8

Ahazi nîwocire sîlûva na thaavu irîa ciarî hekarûrî vamwe na indo cia vata cia nyomba ya mûthamaki na agîitûmana irî kîveo kûrî mûthamaki wa Asîria.

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:11

Mûthamaki wa Asîria nîwavirire andû a Isiraeli Asîria marî mîgwate, na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:15

Hezekia nîwatûmîre mûthamaki wa Asîria sîlûva yonthe îrîa yarî hekarûrî na îrîa yarî mûciî kwa mûthamaki.

2Atha 18:32

nginya rîrîa ngaaûka nîmûvire vûrûrirî wîkariî ta vûrûri wenyu, vûrûri ûrî ngano na ndivei, vûrûri ûrî mîgate na mîgûnda ya mîthavibu, vûrûri ûrî mîtî ya mîtamaiyû na ûûkî, nîguo mûtûûre na mûtigakue. Mûtikathikîrîrie Hezekia akîmûvîtithia rîrîa akûmwîra atî, Ngai-Mûnene nîagaatûvonokia.

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

Nthi 28:11

Gîtonga gîciragia atî kîo nî kîûgî, nwatî mûthîni ûrî na ûtaûku nîamenyaga atî gîtonga tî kîûgî.

Isaia 10:8

Etîîaga akiugaga atîrî, “Kinthî atongoria a athigari akwa onthe tî athamaki?

Isaia 5:21

Andû arîa meyonaga marî aûgî kaî marî na thîna-î, arîa meyonaga marî na wara mwîngî.

Jeremia 46:8

Misiri îcûraga ta rûnjî rwa Nilo, ta nyûnjî irîa ciîcûraga ikauna. Aaugire atî nîngwîcûra nginya ngunîkîre nthî, nîngacûkangia matûûra vamwe na arîa matûûraga kuo.

Jeremia 48:14

“Andû a Moabu, mugaga mûrî njamba, na athigari a mbaara marî vinya atîa?

Ezek 25:3

Meere Ngai-Mûnene augîte atî, mue nîmwakenire mwona hekarû yake yagwatua mûgiro, na vûrûri wa Isiraeli ûkîanangîka na andû a Juda makîvirwa îthamîriorî.

Ezek 26:2

“Mûndû, andû a Turo nîmaathekerere îtûûra rîa Jerusalemu makiugaga atî, ivingo ciakuo nî munange na ikavingûka. Rîu andû a Turo nîo mekûgîa na ûtonga nîûndû Jerusalemu nînjûkangie.

Ezek 29:3

Mwîre nie Ngai-Mûnene Ngai mbugîte atîrî: Nîngûrûa nawe mûthamaki wa Misiri we ndamathia îrîa îmamaga rûnjîrî rwa Nilo. Ugaga atî rûnjî rûu nî rwaku na nîwe watûmire rûgîe.

Ezek 35:13

Nîmbîguîte ûrîa wîthîrîtwe ûgîîtîa na ûkîaria maûndû meengî mambîgiî.”

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Amosi 6:13

Mwîtîîaga nîûndû wa kûnyita îtûûra rîa Lodebari, mugaga atî, “Na vinya wetû nîtwînyitîrîte îtûûra rîa Karinaimu.”

Habakuku 1:11

Nîmacokaga makathiî na mbere ta rûkûngi, nîmekaga mavîtia na vinya wao nîguo ûtuîkîte ngai yao.”

Habakuku 1:16

Nîmagoocaga neti ciao na makairutîra magongoona, nîûndû nîcio imavecaga indo cia gwîkenia, na kûrîa irio mbaro.

Habakuku 2:6

Andû acio onthe nîmamûkîrîra na mamûvoote, na mamûthekerere na kînyûrûri, makiugaga atîrî, “Mûndû ûrîa wîyûmbagîrîra indo itarî ciake, na akeigîra mûrigo wa mathiirî, kaî arî na thîna-î! Nîatûûra ekaga ûguo nginya rî?”

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.

Atir 7:2

Ngai-Mûnene nîwerire Gideoni atîrî, “Andû acio wî nao nî engî mûno na ndingîmavotithia kûvoota Aamidiani. Aisiraeli mavota gwîciiria atî mavootanîte na vinya wao o ene, na marege kûndîîa.