Isaia 1:28 - ÎVUKU RÎA ÛVORO MWARO

²⁸ Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.

Isaia 1:28 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 21:10

Kuuma vîndî îo nginya ûmûnthî vûrûri wa Edomu ûtûûraga ûreganaga na wathani wa Juda. Kavindarî wa kau, andû a Libuna wa nao nîmaareganire na wathani wa Jehoramu mûthamaki wa Juda nîûndû Jehoramu nîwatiganîrîtie Ngai-Mûnene, Ngai wa methe make.

2Maû 28:23

Nîwarutire magongoona kûrî ngai cia andû a Damesiki arîa maamûvootire akiuga atî, nîûndû ngai icio nîciatethirie Asîria ciavota kûmûtethia wanake. Nwatî ûndû ûcio nîwatûmire acûkangue wa vamwe na vûrûri wonthe wa Isiraeli.

2Maû 28:6

Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

Ayubu 31:3

Na kinthî mûtino ndûnyitaga arîa matarî athingu, naguo mûthiro ûkanyita arîa aganu?

Ayubu 34:26

Amaverithagia nîûndû wa mavîtia mao, andû onthe makîonaga,

Ayubu 34:27

nîûndû nîmatigîte kûmûrûmîrîra, na makaregana na watho wake.

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Thaburi 104:35

Evia onthe marothirua gûkû nthî, na andû arîa aganu mathire viû! Ngoro yakwa kumia Ngai-Mûnene! Kumiani Ngai-Mûnene!

Thaburi 125:5

Nwatî arîa magarûrûkaga makarûmîrîra njîra ciao njûku, Ngai-Mûnene nîakaamaverithia vamwe na arîa mekaga maûndû macûku. Isiraeli kûrogîa thayû!

Thaburi 37:38

Nwatî andû arîa evia nîmacûkangagua onthe, na njiarwa ciao ikathirua viû.

Thaburi 5:6

We nîûcûkangagia andû arîa maveenanagia, na nîûreganaga na aûragani na arîa mataragia ûma.

Thaburi 73:27

Arîa magûtiganagîria nama nîmakaathira; nîûgacûkangia arîa matarî evokeku.

Thaburi 9:5

We nîûkaanîtie andû a ndûrîrî, nîûcûkangîtie andû arîa aganu, na nîûtûmîte marîîtwa mao mariganîre tene na tene.

Thaburi 92:9

Nama, we Ngai-Mûnene nthû ciaku nîigaakua, andû arîa mekaga maûndû macûku nîmakaanyagania!

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 24:20

Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.

Isaia 30:13

kwoguo mevia nîmamûretera mûthiro, ta mwatûka wa rûthingo rûraca na îgûrû, rûkaagwa wa rîmwe.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 50:11

Nwatî mue mwakagia mwaki, mue mûkanagîrîra na icinga icio cienyu. Thiîcagîrîrani ûtherirî wa mwaki ûcio, nînîmbîrî cia mwaki ûcio mwakîtie mue ene. Kîrîa mûûkaanyita kuuma kûrî Ngai-Mûnene nî gîkî, mûkaamama nthî mûrî na mathîna meengî.

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Isaia 65:11

“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;

Isaia 66:17

Ngai-Mûnene arauga atîrî, “Andû arîa metheragia na makethambia makathiî marûmanîrîrîte na mûruti magongoona mathiîte mîgûndarî kûrîa mîvuanano îrutagîrwa magongoona, arîa marîcaga nyama cia ngûrwe na cia mbîa, na irio irîa irî mûgiro, makaathiranîrua vamwe onthe.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 44:12

Nîndiga nona atî andû a Juda arîa matigarîte na arîa matuîte atî nîmathiî gûtûûra Misiri nîmathira onthe, anene na anini. Nîmakuîra gûkû Misiri, marî mbaararî na makue nî yûra. Nîmagaatuîka gîko, kîndû gîa kûmakania, kîrumi na gîconoko.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

1Sam 12:25

Nwatî ethîrwa nîmûkûthiî na mbere gwîka maûndû ma wîvia, mue mûkaathirua wa vamwe na mûthamaki wenyu.”