Isaia 1:23 - ÎVUKU RÎA ÛVORO MWARO

²³ Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 1:23 ပူးပေါင်းရင်းမြစ်များ

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Ntha 23:8

Ndûkamûkîre îvaki, nîûndû îvaki nîrîvingaga acirithania metho na makarega kwona kîvooto na rîgacûkia ciira wa arîa matevîtie.

Nthi 17:23

Mûndû mwaganu ocaga îvaki na nthitho, nîguo ndakarûmîrîre kîvooto.

Nthi 29:24

Mûndû ûrîa ûnyitanagîra na mwîi acûkangagia ûtûûro wake ke mwene, nîegucaga irumi cia ûrîa ûrarumwa, na ndetîkagîra kumbûra.

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 1:22

Sîlûva yaku îtuîkîte kîndû gîtarî vata; ndivei yaku nî ndukanu na manjî.

Isaia 28:14

Kwoguo mue andû aya ang'endu mue mwathaga andû mûrî Jerusalemu, thikîrîriani ûrîa Ngai-Mûnene arauga!

Isaia 3:14

Ngai-Mûnene nîaracirithia andû; aracirithia athuuri na atongoria a andû ake. Arameera atîrî, “Nîmue mûcûkangîtie mûgûnda wa mîthavibu, na indo irîa mwatavire athîni irî nyombarî cienyu.

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 33:15

Nî mûndû ûrîa ûtûûraga na ûthingu na waragia ûma, ûrîa ûreganaga na umithio umanîte na kûvinyanîrîria. Ûrîa ûtendaga kwamûkîra mavaki, ûrîa ûtendaga kûthikîrîria ndeto cia ûûragani na ûtendaga kwona maûndû macûku.

Isaia 5:23

Arîa mavakagwa nîguo marekererie arîa marî na mavîtia, na makaima arîa athingu kîvooto Kîamo.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 32:32

nîûndû wa maûndû monthe macûku marîa andû a Isiraeli na Juda mekîte vamwe na athamaki, atongoria, athînjîri-Ngai na arathi.

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Ezek 12:2

“Mûndû, we ûtûûranagia na andû aremi. Marî na metho ma kwona nwatî mationaga, marî na matû ma kwîgua nwatî matiîgucaga,

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Hosea 4:18

Gîkundi Kîam mîrîu kîîviraga kîo kîene ûmaraarî; nîkîendete gîconoko gûkîra kûvewa gîtîîo.

Hosea 5:10

Atongoria a Juda mekariî ta andû arîa macenjagia mîvaka ya Mîgûnda. Nie nîngametîrîria marakara makwa ta manjî.

Hosea 9:15

Ngai-Mûnene arauga atîrî, “Nîûndû wa waganu wao ûrîa wambîrîrie Giligali; kûu nîkuo nambîrîrie kûmamena. Nîûndû wa maûndû marîa mekaga ma mevia, nîngamengata maume nyombarî yakwa. Nie ndikamenda rîngî. Atongoria ao onthe nî aregani

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:9

Tanthikîrîriani mue atongoria a nyomba ya Jakovu; thikîrîriani mue anene a nyomba ya Isiraeli, mue mûmenete kîvooto, mue mûgarûraga ûûma mûgaûtua maveeni.

Mika 6:12

Andû arîa itonga nîmaverithagia andû arîa athîni, na muonthe mwîcûrîtwe nî maveeni.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Zakaria 7:10

Mûtikaavinyîrîrie aka a ndigwa, ciana cia ndigwa, ageni arîa matûûraga kwenyu, na andû arîa athîni. Mûndû wana ûrîkû ndakavange ûndû mûcûku ûngîcûkia mûndû ûrîa wîngî.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ndari 22:7

Kwoguo atongoria a Moabu na a Midiani nîmaaumire makîthiî kûrî Balaamu makuîte îrîvi rîa kûragûrîrwa. Makinya nîmaaveere Balaamu ndûmîrîri ya Balaki.

Mathaayo 21:13

Nake nîwamerire atîrî, “Ngai augîte Mandîkorî make matheru atîrî, ‘Nyomba yakwa îgeetagwa nyomba ya kûvoyagîrwa.’ Nwatî mue mûmîtuîte ngurunga ya acunani!”

Maariko 11:17

Nîwacokire akîthomithia andû atîrî, “Ngai augîte mandîkorî atî, ‘hekarû yakwa îgetagwa nyomba ya kûvoyagîrwa nî andû a ndûrîrî cionthe.’ Nwatî mue mûmîtuîte ngurunga ya acunani.”

Luka 19:46

akîmeeraga atîrî, “Ngai augîte Mandîkorî matheru atî, ‘hekarû yakwa nî nyomba ya kûvoyagîrwa,’ nwatî mue mûmîtuîte ngurunga ya acunani!”

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.