Isaia 1:21 - ÎVUKU RÎA ÛVORO MWARO

²¹ Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Isaia 1:21 ပူးပေါင်းရင်းမြစ်များ

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

2Maû 19:9

Nîwamerire atîrî, “Rutagani mawîra mau monthe mûgîîtigagîra Ngai-Mûnene na mûkîmwathîkagîra mûrî na wîvokeku na ngoro yonthe.

Nehemia 11:1

Atongoria a andû a Isiraeli maatûûraga Jerusalemu. Nao andû acio engî nîmaaikirie mîtî nîguo mathuure mbarî îmwe gatagatî ka mbarî îkûmi arîa maarî mathiî gûtûûra Jerusalemu îtûûra rîtheru, nacio mbarî kenda itigwe matûûrarî mau mengî.

Thaburi 46:4

Kûrî na rûnjî rûretage gîkeno îtûûrarî rîa Ngai, hekarûrî ya Ngai ûrîa ûrî Îgûrû Mûno.

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Thaburi 48:8

Nîtweguire maûndû marîa Ngai ekîte, na rîu nîtwonete tue ene, îtûûrarî rîa Ngai wetû, Ngai-Mûnene, mwene vinya wonthe; Ngai nîatûûra arîgitagîra tene na tene.

Isaia 1:22

Sîlûva yaku îtuîkîte kîndû gîtarî vata; ndivei yaku nî ndukanu na manjî.

Isaia 26:10

Nwatî wana mûndû mwaganu angîguîrwa ntha, nderutaga gwîka maûndû ma ûthingu; wana rîrîa arî vûrûrirî wa andû arîa athingu, nwa ekaga maûndû ma waganu; na ndakenagua nî ûnene wa Ngai-Mûnene.

Isaia 48:2

Kûnarî ûguo mwîtîîaga mûgîîtanagia na îtûûra rîtheru, na mugaga atî mwîvokaga Ngai wa Isiraeli, ûrîa rîîtwa rîake nî Ngai-Mûnene mwene vinya wonthe.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Isaia 59:14

Kîvooto nîkîthengutîtue, naguo ûthingu ûgekara varaca. Ûma nîkwa ûkinyangagîrwa nthî magootirî, naguo wîvokeku ndonekaga kuo.

Isaia 59:15

Ûvoro wa ma ndwîthagîrwa kuo, na mûndû wa wonthe ûtiganaga na maûndû macûku nîkwa averithagua. Ngai-Mûnene nîwonire maûndû mau, na nîwarakarire nîûndû gûtiarî na kîvooto.

Isaia 59:3

Nîûndû njara cienyu nîinyitîtwe nî mûgiro nîûndû wa kûragana, ciara cienyu igeka ciîko njûku, mîromo yenyu nîyarîtie maveeni, natuo tûrîmî twenyu tûkaaria waganu.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Habakuku 1:4

Kwoguo watho ndûrî na vata, na kîvooto gîtirûmagîrîrwa. Andû arîa acûku mathiûrûrûkîrîtie andû arîa aro, kwoguo kîvooto gîtirûmagîrîrwa.

Zakaria 8:3

Nîngaacoka Zayuni nîguo ngatûûre Jerusalemu, nayo nîgaacoka gwîtagwa îtûûra rîvokeku, na kîrîma Kîammûre Kîam Ngai-Mûnene mwene vinya wonthe.

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.