Isaia 1:14 - ÎVUKU RÎA ÛVORO MWARO

¹⁴ Nî nthûrîte irugo cienyu cia mweri ûgîcicûka na irugo irîa ciîngî; kûrî nie nîituîkîte mûrigo na nîrî mûnogie nîcio.

Isaia 1:14 ပူးပေါင်းရင်းမြစ်များ

1Maû 23:31

Alawi nîmaarutaga matega ma kûvîvua ma Ngai-Mûnene mîthenya ya thavatû, ciathî cia mweri wacicûka na mîthenya îrîa îngî ya ciathî. Kwarî na mawatho marîa maarûmagîrîrwa ma kwonania Alawi arîa maagîrîrwe nî gûtungata kavinda gwa kavinda marî hekarûrî.

Isaia 29:1

Ûûi Arieli, Arieli, we îtûûra rîrîa Daudi aambîte magema make! Mwaka ûkaga na ûkavîtûka, na irugo ikûngûîrwe mîaka yonthe.

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Isaia 43:24

We ndwangûrîra ûbani, kana ûmvaithia na nyama irîa noru cia magongoona maku. Vandû va ûguo we nîûnditûvîrîte na mevia maku, nîûnogetie na mavîtia marîa wîkîte.

Isaia 61:8

Ngai-Mûnene arauga atîrî, “Nie mendete waragania, na nînthûrîte ûcunani na ûkinyanîrîria. Nîngaatuga andû akwa na wîvokeku, na ndûthe kîrîkanîro gîa gûtûûra tene na tene nao.

Isaia 66:23

Kuuma kîrugo Kîam mweri mûcerû nginya kîrugo kîu kîngî Kîam mweri mûcerû, na kuuma thavatû îmwe nginya îrîa îngî, andû onthe nîmagaaûkaga gûkû Jerusalemu kûngoocera kuo.” Ûguo nîguo Ngai-Mûnene arauga.

Isaia 7:13

Nake Isaia nîwacokirie atîrî, “Tathikîrîriani mue andû a nyomba ya Daudi! Nîmûnogetie andû, atî nwa mûkwenda kûnogithia Ngai wanake?

Hosea 2:11

Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.

Hosea 5:7

Nîmatigîte gûtuîka evokeku kûrî Ngai-Mûnene, nîmagîte na ciana îtarî cia ma. Mweri mûcerû nîûkamacûkangia vamwe na mîgûnda yao.

Amosi 2:13

Taroria, nîngamûkinyangîra nthî, ta ûrîa ngari îkuîte maketha yomomoraga nthî.

Amosi 5:21

Ngai-Mûnene arauga atîrî, “Nîmenete na nganyarara irugo cienyu, na ndikenagua nî ciûngano cienyu cia ndini.

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”