Isaia 1:1 - ÎVUKU RÎA ÛVORO MWARO

¹ Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 1:1 ပူးပေါင်းရင်းမြစ်များ

2Atha 15:1

Mwakarî wa mîrongo îîrî na mûgwanja, Jeroboamu arî mûthamaki wa Isiraeli, Azaria mûvîcî wa Amazia nîwatuîkire mûthamaki wa Juda.

2Atha 15:13

Mwakarî wa mîrongo îthatû na kenda (39) Uzia arî mûthamaki wa Juda, Shalumu mûvîcî wa Jabeshi nîwatuîkire mûthamaki wa Isiraeli, na nîwathanire arî Samaria îvinda rîa mweri ûmwe (1).

2Atha 15:32

Mwakarî wa kaîrî Peka, mûvîcî wa Remalia arî mûthamaki wa Isiraeli, Jothamu mûvîcî wa Uzia nîwatuîkire mûthamaki wa Juda

2Atha 15:7

Uzia nîwakwire na akîthikwa mbîrîrarî cia athamaki kûu îtûûrarî rînene rîa Daudi. Mûvîcî Jothamu nîwatuîkire mûthamaki vuva wake.

2Atha 18:1

Mwakarî wa kathatû Hosea, mûvîcî wa Ela arî mûthamaki wa Isiraeli, Hezekia, mûvîcî wa Ahazi nîwatuîkire mûthamaki wa Juda.

2Atha 19:2

Nîwatûmire Eliakimu, mûmenyereri wa mûciî wa mûthamaki, Shebuna, mwandîki, na athînjîri-Ngai arîa akûrû, kûrî mûrathi Isaia, mûvîcî wa Amozu. Wanao meekîrîte nguo cia macakaya.

2Maû 26:1

Andû onthe a Juda nîmaathuurire Uzia, mûvîcî wa Amazia atuîke mûthamaki wao vandûrî va îthe. Uzia aarî na ûkûrû wa mîaka îkûmi na îtandatû (16).

2Maû 26:22

Mûrathi Isaia mûvîcî wa Amosi nîwandîkire maûndû marîa mengî monthe marîa mûthamaki Uzia eekire kuuma Kîammbîrîria nginya mûthiia.

2Maû 27:1

Jothamu aatuîkire mûthamaki arî na ûkûrû wa mîaka mîrongo îîrî na îtano (25), na aathanire arî Jerusalemu îvinda rîa mîaka îkûmi na îtandatû (16). Ng'ina eetagwa Jerusha mwarî wa Zadoku.

2Maû 28:1

Ahazi aatuîkire mûthamaki arî na ûkûrû wa mîaka mîrongo îîrî (20) na nîwathanire îvinda rîa mîaka îkûmi na îtandatû (16) arî Jerusalemu. Ahazi ndeeka maûndû marîa maakenagia Ngai-Mûnene ta ûrîa îthe, Daudi eekîte.

2Maû 29:33

Nyamû cia kûrîthua irîa ciamûrirwe irî cia matega ciarî: ndegwa magana matandatû (600) na ng'ondu ngiri ithatû (3,000).

Thaburi 89:19

Vîndî ya tene we nîwarîrie ndungata ciaku irîa ikwîvokete na njîra ya kîoneki ûkiuga atîrî, “Nie nîmveete mûndû ûmwe njamba vinya, nîmûthuurîte kuuma gatagatî ka andû na ngamûva gîtî Kîam ûthamaki.

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 2:1

Îno nîyo ndûmîrîri îrîa Isaia mûvîcî wa Amozu aveerwe îgiî Juda na Jerusalemu:

Isaia 20:2

Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Isaia 37:2

Nîwatûmire Eliakimu, mûmenyereri wa nyomba ya mûthamaki; Shebuna, mwandîki; na athînjîri-Ngai arîa akûrû mekîrîte nguo cia macakaya mathiî kûrî mûrathi Isaia, mûvîcî wa Amozu.

Isaia 38:1

Vîndî îo, Hezekia nîwarwarire mûno nginya agîkuvîvîria gûkua. Nake mûrathi Isaia, mûvîcî wa Amosi nîwathiîre kûrî ke na akîmwîra atîrî, “Ngai-Mûnene arauga ûvange maûndû ma nyomba yaku, nîûndû nîûgûkua tîûvona.”

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 6:1

Mwaka ûrîa mûthamaki Uzia aakwire, nînonire Mwathani ekarîrîte gîtî gîake Kîam ûthamaki kîrî vandû îgûrû mûno; nayo nguo yake ndaca yecûrîte hekarûrî yonthe.

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Jeremia 23:16

Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.

Ezek 1:1

Mûthenya wa gatano mweri wa kana mwaka wa mîrongo îthatû, nie mûthînjîri-Ngai Ezekieli mûvîcî wa Buzi, twatûûraga vamwe na Ayahudi arîa maarî îthamîriorî kûu Babuloni rûtererî rwa rûnjî rwa Kebari. Nîrî kûu nînonire îtu rîavingûka na ngîona kîoneki Kîam Ngai.

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Amosi 4:5

Rutagani îgongoona rîa gûcokia ngatho kûrî Ngai rîa mûgate ûtarî na ndawa ya kwimbia, na mwîtîîage nîûndû wa matega ma kwîyendera marîa mûrutaga. Ûguo nîguo Ngai-Mûnene arauga.

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.

Nahumu 1:1

Ino nîyo ndûmîrîri îgiî Nineve. Nî îvuku rîa cioneki cia Nahumu mûvîcî wa Elikoshi.

Habakuku 2:2

Nwatî Ngai-Mûnene nîwanjokerie atîrî, “Andîka kîoneki gîkî; Kîamndîke waro kîvengererî, nîguo kîthomeke waro.

Ndari 12:6

Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

Ndari 24:16

Nî ûrathi wa mûndû ûrîa wîgucaga ciugo cia Ngai, na wîcî meciria ma Ûrîa ûrî Îgûrû Mûno, mûndû wonaga kîoneki kuuma kûrî Ngai ûrîa Ûrî Vinya, ûrîa wîgwîthagia nthî na akona cioneki.

Ndari 24:4

Ûyû nî ûrathi wa mûndû wîgucaga mûgambo wa Ngai, mûndû wonaga cioneki cia Ngai Mwene Vinya, mûndû wîgwîthagia nthî mbere ya Ngai na akona cioneki.

Mathaayo 17:9

Rîrîa maanyûrûrûkîte maumîte kîrîmarî, Jesû nîwamakaanirie akîmeera atîrî, “Mûtikere mûndû wana ûrîkû kîoneki kîu mwona nginya rîrîa Mûrû wa Mûndû akaariûkua.”

Ciîko 10:17

Na rîrîa Petero aamakîte akîrigwa nî ûrîa kîoneki kîu kîeendaga kuga, andû arîa Korinelio aatumîte nîmaamenyete varîa nyomba ya Simoni yarî na vîndî wa îo maarûngamîte kîvingorî.

Ciîko 26:19

“Kwoguo mûthamaki Angiripa, ndingîaregire kwathîkîra kîoneki kîu nagîte nakîo kiumîte îgûrû.

2Akor 12:1

Nie nwa nginya nîtîîe, wana ethîrwa gûtirî na ûndû mwaro nganyita nîûndû wa gwîtîîa. Nwatî rîu nîngûthiî na mbere kwaria ûndû wîgiî cioneki irîa noonirue na ngîguûrîrua nî Mwathani.

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.