Hosea 9:9 - ÎVUKU RÎA ÛVORO MWARO

⁹ Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Hosea 9:9 ပူးပေါင်းရင်းမြစ်များ

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Isaia 24:5

Andû arîa matûûraga gûkû nîmagwatîtie nthî mûgiro, nîûndû nîmaunîte mawatho ma Ngai, makarega kûrûmîrîra kîrîra gîake, na makauna kîrîkanîro gîa tene na tene.

Isaia 31:6

Mue andû a Isiraeli, garûrûkîrani ûcio mwaregire na vinya.

Jeremia 14:10

Îgûrû rîgiî andû aya Ngai-Mûnene arauga atîrî: “Mendaga gûtûûra maûrûraga, mativurûkaga, kwoguo Ngai-Mûnene ndametîkagîra, na rîu nîakûririkana waganu wao, na amaverithie nîûndû wa mevia mao.”

Ezek 21:28

“We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Hosea 10:9

Mue andû a Isiraeli, kuuma vîndî îrîa mwarî Gibea, mûtûûraga mwîvagia, na nginya rîu nwa mwîvagia. Mûgacûkangua nî mbaara mûrî kûu Gibea.

Hosea 4:9

Nwatî kîrîa andû makanyita nwa kîo athînjîri-Ngai makaanyita, nîngamaverithia nîûndû wa njîra ciao. Ngamaverithia nîûndû wa maûndû marîa o ene mekîte.

Hosea 5:8

Vuvani coro kûu Gibea, na tûrumbeta kûu Rama. Vuvani kîng'ora kûu Bethaveni. Mue andû a Benjamini, tetemani!

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Hosea 9:8

Mûrathi nî mûrangîri wa Efiraimu, andû a Ngai wakwa, Nwatî wa kûrîa kuonthe akathiî ethagîrîria aigîrîtwe mûtego ta wa gîconi, wana nîmûmene nyombarî ya Ngai wake.

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”

Atir 19:12

Nwatî mwathi wayo nîwamîrire atîrî, “Tûtikûrara îtûûrarî rîrî na andû ageni arîa matarî Aisiraeli. Tûvîtûke tûthiî Gibea.

Atir 19:16

Kîvwaî gîakinya, mûthuuri ûmwe nîwavîtûkîrîre vo aumîte wîrarî wake wa mûgûnda. Mûthuuri ûcio aarî wa kuuma vûrûrirî ûrîa ûrî irîma wa Efiraimu, nwatî aatûûraga kûu Gibea. Andû acio engî a îtûûra rîu maarî a mûvîrîga wa Benjamini.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”

Atir 20:43

Aisiraeli nîmaathiûrûrûkîrie Aabenjamini na makîmarûmîrîria kuuma Noha makîmaûragaga nginya magîkinya Gibea mwena wa îrathîro.