Hosea 9:8 - ÎVUKU RÎA ÛVORO MWARO

⁸ Mûrathi nî mûrangîri wa Efiraimu, andû a Ngai wakwa, Nwatî wa kûrîa kuonthe akathiî ethagîrîria aigîrîtwe mûtego ta wa gîconi, wana nîmûmene nyombarî ya Ngai wake.

Hosea 9:8 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:1

Vuva wa mîthenya mîîngî, mwakarî wa kathatû, Ngai-Mûnene nîwerire Elija atîrî, “Thiî wîyonithanie kûrî mûthamaki Ahabu, na nîngurithia mbura nthî.”

1Atha 18:19

Rîu athana andû onthe a Isiraeli magomane kîrîmarî gîa Karimeli tûcemanie nao kuo. Mûke na arathi magana mana ma mîrongo îtano (450) a Baali na arathi magana mana (400) a Ashera, ngai ya nga, arîa marîcanagîra na Jezebeli.”

1Atha 22:11

Ûmwe wa arathi acio, Zedekia mûvîcî wa Kenaana nîwarûthire mvîa cia cuuma na akîra Ahabu atîrî, “Ngai-Mûnene arauga atî; ‘Ûgaatûmîra ino ûkîrûa na Asîria nginya rîrîa ûkaamavoota viû.’ ”

1Atha 22:22

Nake Ngai-Mûnene nîwamûririe atîrî, ‘ûkaamûveenereria atîa?’ Naguo roho nîwacokirie atîrî, ‘Nînthiî na ndûme arathi a Ahabu onthe maveenanie.’ Ngai-Mûnene nîwamwîrire atîrî, ‘Thiî na ûmûveenererie. Nîûkûvootana!’ ”

1Atha 22:28

Mikaia nîwerire Ahabu atîrî, “Wona wacoka wîna thayû, Ngai-Mûnene ndanaria na njîra yakwa.” Nîwacokire akiuga atîrî, “Mue andû aya muonthe mûtikariganîrwe nî ûguo nauga!”

1Atha 22:6

Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

2Atha 13:21

Vîndî îmwe andû marî mathikorî nîmoonire gîkundi Kîam athigari gîûkîte kûmatharîkîra. Andû acio nîmaaikirie kimba Kîam mûndû ûcio mbîrîrarî îrîa Elisha aathikîtwe magîcoka makîûra. Vîndî wa îo kimba kîu Kîamvutia mavîndî ma Elisha, mûndû ûcio nîwariûkire na akîrûngama.

2Atha 2:14

Nîwaringire manjî na nguo ya Elija na akîûria atîrî, “Ngai-Mûnene, Ngai wa Elija arî kû?” Nîwacokire akîringa manjî rîngî. Manjî nîmaagaûkanire maita maîrî, na Elisha akîthiî mûringo ûcio wîngî.

2Atha 2:21

Elisha nîwacokire akîthiî kîthimarî Kîam manjî, agikia cumbî kîthimarî kîu na akiuga atîrî, “Ngai-Mûnene augîte, atî ‘nînatheria manjî mama, na kuuma ûmûnthî kûthiî na mbere makethagîrwa marî maro na matigaatûma kûgîa gîkuû, na ndîthia ciakuo na andû matikavuna.’ ”

2Atha 4:41

Elisha nîwetirie mûtu, akîwîkîra nyûngûrî îo yarî na irio, agîcoka akîra ndungata ciîvûrîre arathi irio marîe. Vîndî îo irio itiarî ndûrû.

2Atha 4:43

Nwatî ndungata yake nîyamûririe atîrî, “Irio ino nîikwîgana andû îgana rîmwe?” Nake Elisha nîwamwîrire atîrî, “Manengere marîe, nîûndû Ngai-Mûnene augîte, atî nîmarîa na matigarie.”

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

2Atha 7:19

Ûndû ûcio nîguo mûnene wa athigari aareganire naguo rîrîa aaugire atîrî, “Ûguo gûtingîvoteka, wana kethîrwa nîkwa Ngai-Mûnene ke mwene angiurithia mbura kuuma îgûrû!” Nake Elisha nîwamwîrîte atîrî, “Ûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

Thaburi 124:7

Tûrîte ta gîconi kiumîte mûtegorî wa mûtegi, mûtego nîmûviûkie, natue twavonoka.

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Rwîmbo rwa Nyîmbo 3:3

Arangîri a îtûûra nîmaamonire makîthiûrûrûka îtûûra. Nînaamaûririe atîrî, “Mûrîamoneru mwendwa wakwa?”

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 14:13

Nînacokire ngiuga atîrî, “Ûûi, Ngai-Mûnene, ta thikîrîria ûrîa arathi marameera, ‘Mûtikaagîa na mbaara, kana yûra, nwatî mûkethagîrwa mûrî na thayû mûrî vûrûrirî ûyû.’ ”

Jeremia 23:13

Gatagatîrî ka arathi a Samaria, nîmonete ûndû ûtarî mwaro; maarathaga na rîîtwa rîa Baali, na makîvîtithia andû akwa a Isiraeli.

Jeremia 31:6

Nîûndû mavinda nîmagaakinya rîrîa arangîri magetana marî vûrûrirî ûrîa ûrî irîma wa Efiraimu; mauge atî, ‘Ûkîrani tunûkie Zayuni kûrî Ngai-Mûnene Ngai wetû.’ ”

Jeremia 6:14

Mavonagia ironda cia andû akwa îgûrû, makiugaga atî: ‘Kûrî na thayû, kûrî na thayû,’ wa rîrîa gûtarî thayû.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Ezek 33:7

“Kwoguo, we mûndû, nîngûthuurîte ûtuîke mûrangîri wa andû a Isiraeli. Vîndî cionthe ûngîkegua kiugo kuuma kanyuarî gakwa, ûgakaania andû a Isiraeli ûrîa ngaakwîra ûmakaanie.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Mika 7:4

Ûrîa mwaro mûno ekariî ta ria, na ûrîa mwathîki mûno ekariî ta mûgûnda wa mîgua. Îvinda rîa kûverithua nî Ngai nî rîkinyu, na rîu nîavîngîcîku.

Johana 15:24

Ndangîekire maûndû marîa mataneekwa nî mûndû wîngî gatagatîrî kao, matingîatuirwe evia. Nwatî rîu nîmonete maûndû marîa nekire na nîmamenete na makamena Vava.

Aroma 3:7

Mûndû nwa aûrie atîrî, “Narîo ethîrwa maveeni makwa nîmagocithagia Ngai, nîkî kîratûma nduîrwe ciira ta mwîvia?”

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.