Hosea 9:3 - ÎVUKU RÎA ÛVORO MWARO

³ Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Hosea 9:3 ပူးပေါင်းရင်းမြစ်များ

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 2:7

Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Maca 5:6

Twathiîre Misiri kûvoya irio, na tûkîthiî Sîria nîguo tûgîe na irio cia kwîgana.

Ezek 4:13

Ngai-Mûnene aaugire atîrî, “Ûguo nîguo andû a Isiraeli makaarîcaga mîgate îtarî mîtîkîrie nî watho kûrîwa rîrîa makethîrwa marî mavûrûrirî mageni kûrîa ngaamavira.”

Danieli 1:8

Nwatî Danieli nîwatuire atî ke ndangîîgwatia gîko na njîra ya kûrîa irio, kana kûnyua ndivei ya Mûthamaki. Kwoguo Danieli nîwaûririe Ashipenazi amwîtîkîrie ndakarîe irio icio nîguo ndakagwatwe nî gîko.

Hosea 11:11

Magaûka magîtetemaga ta gîconi maumîte ya Misiri, makarûgaga ta macîa maumîte ya Asîria, nanie nîngamacokia kwao mîciî. Ûguo nîguo Ngai-Mûnene arauga.

Hosea 11:5

O nîmagacoka Misiri; nîmakaathwa nî mûthamaki wa Asîria, nîûndû nîmaregete kûnjokerera.

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.

Alawi 18:28

Mweka ûguo vûrûri ûcio nîûkaamûtavîka ta ûrîa watavîkire andû a ndûrîrî arîa maatûûraga kuo mbere yenyu.

Alawi 20:22

“Kwoguo vingagiani mawatho makwa monthe na maathani makwa nîguo mûtigatavîkwe nî vûrûri ûrîa ngûmûvira mûgatûûre.

Alawi 25:23

“Mûtiagîrîrwe nî kwendia mûgûnda wenyu viû, nîûndû tî wenyu. Nî wakwa, na mue mûrî ageni evîtûkîri arîa etîkîrie gûûtûmîra.

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Mika 2:10

Ûkîrani mûthiî, nîûndû gûkû gûtirî na gwa kûvurûka. Mevia menyu nîmatûmîte kûndû gûkû gûcûkangue.

Ciîko 10:14

Nwatî Petero nîwaugire atîrî, “Naarî Mwathani! Nie ndianarîa kîndû kîrî na mûgiro kana gîtarî kîtheru.”

Gûco 28:63

Wata ûrîa Ngai-Mûnene akenirue na akîmwîka maûndû maro na agîtûma mwîngîve mûno, nwa ta guo agaakena akîmûretithîria mathîna na akîmûthiria. Nîmûkaarutwa vûrûrirî ûrîa mûthiîte kwîgwatîra.

Gûco 28:68

Ngai-Mûnene nîakaamûcokia Misiri na meri, wana ethîrwa nîmwaugîte atî mûtigaacoka kuo rîngî. Na mûrî kûu, nîmûkevecana kûrî o nîguo mamûgûre mûtuîke ngombo cia nthû cienyu, nwatî gûtirî mûndû ûkaamûgûra.”

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

Josh 23:15

Nwatî, wata ûrîa Ngai-Mûnene, Ngai wenyu aavingirie ciîranîro cionthe irîa aarûthire namue, nwaguo akaamûretithîria maûndû macûku