Hosea 9:15 - ÎVUKU RÎA ÛVORO MWARO

¹⁵ Ngai-Mûnene arauga atîrî, “Nîûndû wa waganu wao ûrîa wambîrîrie Giligali; kûu nîkuo nambîrîrie kûmamena. Nîûndû wa maûndû marîa mekaga ma mevia, nîngamengata maume nyombarî yakwa. Nie ndikamenda rîngî. Atongoria ao onthe nî aregani

Hosea 9:15 ပူးပေါင်းရင်းမြစ်များ

Thaburi 78:60

Nîwatiganîrie îgema rîake rîrîa rîarî Shilo, kûrîa aatûûraga gatagatîrî ka andû.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Jeremia 11:15

Endwa akwa arîa mendete nîmagîrîrwe nî kwîthîrwa marî nyombarî yakwa wa magîkaga waganu? Mîvîtwa na matega menyu ma kûvîvua, nwa magirie mûkinyîrwa nî mûthiro? Kwoguo vi maûndû mau nwa matûme mûkene?

Jeremia 12:8

Andû akwa nîmambûkîrîrîte, nîmarandaramîra ta mûnyambû kîthakarî, na kwoguo nînîmamenete.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 23:18

Rîrîa eyonithanirie kûrî andû atî ke nî mûmaraa na akîonania njaga yake, nînaamûtiganîrie wata ûrîa naatiganîrîtie mwarwang'ina.

Hosea 1:6

Gomeri nîwagîre na îvu rîngî, na agîciara mwana wa kerîtu. Nake Ngai-Mûnene nîwerire Hosea atîrî, “Tuîra mwana ûcio rîîtwa ‘Ûtegucagîrwa ntha,’ nîûndû ndikeguîra Isiraeli ntha rîngî kana nîmovere.

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Hosea 12:11

Nwatî Gileadi gwîcûrîte evia arîa magocaga ngai cia maveeni, na kûu Gileadi marutaga magongoona ma ndegwa, kwoguo metha ciao cia magongoona cigîtwe mûvari ta irûndo cia mathiga, mîtarorî ya mîgûnda mîrîme.

Hosea 12:2

Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Hosea 4:9

Nwatî kîrîa andû makanyita nwa kîo athînjîri-Ngai makaanyita, nîngamaverithia nîûndû wa njîra ciao. Ngamaverithia nîûndû wa maûndû marîa o ene mekîte.

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Hosea 9:17

Ngai wakwa nîakaaregana nao, nîûndû nîmaregete kûmûthikîrîria; nîmatûûra maûrûraga mavûrûrirî.

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Alawi 26:30

Nîngoomomora kûndû kûrîa mûgoocagîra mûrî îgûrû rîa irîma, nyomomore metha cienyu cia magongoona cia kûvîvîria ûbani na mbikie ciimba cienyu îgûrû rîa mîvuanano yenyu îno mîkuû, na nîmûnyarare.

Amosi 4:4

Ngai-Mûnene arauga atîrî, “Andû a Isiraeli thiîni Betheli mûkevie na mûthiî Giligali mwîvie mûno. Viragani magongoona menyu wa kîraûko na mûvirage gîcunjî gîa îkûmi vuva wa mîthenya îthatû.

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Amosi 5:5

Mûtikaathiî Beeri-shiba kûgooca. Mûtikanjarie kûu Betheli nîûndû Betheli nîgaacûkangua kana mûthiî Giligali nîûndû nwanginya mathiî îthamîriorî.”

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

Ciîko 5:21

Nao atûmwa nîmaathîkire. Nîmaatonyire hekarûrî kîraûko macangîa na makîambîrîria kûthomithania. Na rîrîa Mûthînjîri-Ngai ûrîa mûnene na andû arîa maathiîcanagia nake maakinyire, nîmeetire aakîama na athuuri onthe a Isiraeli vamwe. Nîmaacokire magîtûmana njeera makiuga atûmwa mavirwe Kîammarî.

Josh 10:43

Vuva wa ûguo Joshua na athigari ake a mbaara nîmaacokire Giligali kûrîa maambîte magema mao.

1Sam 7:16

Ke nîwathiûrûrûkaga na akathiî Betheli, Giligali, na Mizipa wa mwaka wa mwaka. Ke aathiîcaga agîtuithanagia maciira ma Aisiraeli kûndû kûu kuonthe.