Hosea 9:11 - ÎVUKU RÎA ÛVORO MWARO

¹¹ Ngumo ya Efiraumu nî îgûrûka ta gîconi, ciana itigaaciarwa, aka matikaaiga nda na matikagîa nda!

Hosea 9:11 ပူးပေါင်းရင်းမြစ်များ

Kîam 41:52

Nîwacokire akiuga atîrî, “Ngai nîamvete ciana nîrî vûrûrirî ûyû wa mathîna.” Kwoguo nîwetire kaana ga kaîrî Efiraimu.

Kîam 49:22

“Josefu ekariî ta mûtî ûrîa ûciaraga mûno, ûciaraga mûno ûrî vakuvî na kîthima, mvûa ciaguo itambaga îgûrû rîa rûthingo.

2Sam 6:23

Mikali mwarî wa Saûlo ndaagîa na ciana nginya rîrîa aakwire.

Ayubu 18:5

Ûtheri wa mûndû mwaganu nîûkavorua, nacio nînîmbî cia mwaki wake itigaakana.

Thaburi 58:8

Marorarûka ta marumbo marîa mararûkaga magatuîka rûrenda; kana mekare ta kaana kavunîtwe karîa gatonaga ûtheri.

Mûvunjia 6:3

Mûndû angîciara ciana îgana rîmwe na atûûre mîaka mîngî, nwatî arege gwîkenia na indo mbaro ûtûûrorî kana arege kûthikwa, nie nîmbuga atî mwana ûrîa ûciarîtwe arî kîvuno nî mwaro gûkîra mûndû ûcio.

Isaia 17:3

Matûûra marîa magitîre ma Efiraimu nîmagaacûkangua, naguo ûthamaki wa Damesiki ûthire. Nao andû a Sîria arîa magaatigara marî mwoyo makaagîa na gîconoko ta andû a Isiraeli; nie Ngai-Mûnene mwene vinya wonthe nînie nauga ûguo.”

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 4:7

Wa ûrîa athînjîri-Ngai mongerekaga, nwaguo onthe mevagia mbere yakwa. Kwoguo nîngatûma riiri wao ûtuîke gîconoko.

Hosea 5:9

Mûthenya ûrîa ngaaverithania Efiraimu gûgatuîka ta werû! Maûndû marîa nîranîrîra gatagatî ka mîvîrîga ya Isiraeli, nama nî maûndû magatuîkîka.

Hosea 9:14

We Ngai-Mûnene, verithia andû aya! Nwatî nîûmaverithia atîa? Tua aka ao nthata, tûma mature îria rîa kwongithia ciana.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Luka 23:29

Nîûndû mîthenya nîyûkîte rîrîa andû makaambîrîria kuga atîrî, ‘Na kaî aka arîa nthaata arîa mataanaciara na arîa matanongia, nîarathime-î.’

Gûco 28:18

Ngai-Mûnene nîagaatûma ciana cienyu, maciaro ma mîgûnda yenyu na ndîthia ya ng'ombe na ng'ondu cienyu inyitwe nî kîrumi.

Gûco 28:57

Nîakaathitha thigiri wana ciana ciake irîa agaaciara nîûndû nîakenda kûirîa na nthitho, nîûndû wa thîna ûrîa ûkethîrwa ûrî kuo rîrîa nthû ikaarigicîria îtûûra rîao.

Gûco 33:17

Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”