Hosea 8:4 - ÎVUKU RÎA ÛVORO MWARO

⁴ Andû akwa nîmeethuurîre mûthamaki ndamavete rûtha, nîmeethuurîre atongoria arîa nie ndaicî. Nîmeerûthîrîte ngai cia sîlûva na cia thaavu, ûndû ûyû nîguo ûkamûthiria.

Hosea 8:4 ပူးပေါင်းရင်းမြစ်များ

1Atha 12:28

Kwoguo mûthamaki nîwaûririe ûtaaro na akîrûtha mîvuanano îîrî ya tûcaû twa thaavu na akîra andû ake atîrî, “Nîmûthiîte Jerusalemu kûgoocera kuo îvinda îraca. Mue andû a Isiraeli, ino nîcio ngai cienyu irîa ciamûrutire Misiri!”

1Atha 13:34

Ûndû ûyû nîwatuîkire wîvia kûrî nyomba ya Jeroboamu na nîwatûmire nyomba îo îcûkangue na îthirue viû.

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

Jeremia 16:20

Mûndû nwa avote kwîrûthîra ngai? Icio tî ngai cia ma!”

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Danieli 3:1

Mûthamaki Nebukadinezarû nîwarûthithirie mûvuanano wa thaavu wa mita mîrongo îîrî na mûgwanja na îgûrû na wariî wa mita ithatû. Nîwaugire wigwe Dura, kûndû kûrîa kwaraganu vûrûrirî wa Babuloni.

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Hosea 13:11

Nîrî na marakara nînamûveere mûthamaki, na nîrî na marûrû nînamacunire mûthamaki.

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

Hosea 2:8

Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.

Hosea 8:3

Nwatî andû a Isiraeli nîmareganîte na ûndû ûrîa mwaro; nîûndû wa ûguo, rîu nthû nîîkûmûrûmîrîra.

Mathaayo 25:12

Nwatî mûvikania nîwamerire atîrî, ‘Nîramwîra nama atî nie ndimwîcî.’ ”

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’

Luka 13:27

Nake Mwathani nîakaamûcokeria rîngî atîrî, ‘Nie ndiîcî mumîte na kû. Nthengutîrani ava ndûrîka ino!’

Johana 10:14

Nie nînie mûrîthi ûrîa mwaro. Nîmbîcî ng'ondu ciakwa nacio ng'ondu ciakwa nîimbîcî,

Agal 4:9

Nwatî rîu nîûndû nîmûmenyanîte na Ngai, kana mbuge Ngai nîamenyanîte na mue, nîkî kîratûma mûcokerere maroho marîa matarî vinya na matarî vata? Mûrenda gûtuîka ngombo cia maroho mau rîngî nîkî?