Hosea 8:10 - ÎVUKU RÎA ÛVORO MWARO

¹⁰ Wana ethîrwa nîmeyendetie kûrî andû a ndûrîrî, nie nîngaamaûngania wa rîmwe. Vîndî îo nîrîo makegua maûndû makîmaritûvîra marî rungu rwa mûthamaki ûrîa ûmavinyagîrîria.

Hosea 8:10 ပူးပေါင်းရင်းမြစ်များ

2Atha 14:26

Ngai-Mûnene nîwonire andû a Isiraeli makîthînîka mûno, nîûndû gûtiarî na mûndû wanarî ûmwe ûngîamatethirie.

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

Isaia 10:8

Etîîaga akiugaga atîrî, “Kinthî atongoria a athigari akwa onthe tî athamaki?

Isaia 30:2

Ciambagîrîria rûgendo ithiîte Misiri itambûrîtie ûtaaro, ithiîte gûcaria ûgitîri wa mûthamaki wa Misiri, na ikathiî gûcaria gwa kwîthitha vûrûrirî wa Misiri!

Isaia 36:13

Rabushake nîwacokire akîrûngama na akîanîrîra na mûgambo mûnene na Kîhibirania akiuga atîrî, “Thikîrîriani ûrîa mûthamaki mûnene, mûthamaki wa Asîria arauga!

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Ezek 16:33

Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.

Ezek 16:37

Kwoguo, nîngaaûngania anyanya aku onthe arîa wekenagia nao, arîa onthe mwanendana nao wana andû arîa ûthûrîte. Nîngaatûma magûkîrîre maumîte na mîena yonthe, na ngûrute nguo nîguo makwone ûrî njaga.

Ezek 22:20

Andû maûnganagia cuuma ya sîlûva, gîcango, na cuuma ya mavati na îgekîrwa mwakirî nîguo îrarûrwe na îtherue. Kwoguo nîngaamûngania vamwe nîrî na marakara na mang'ûrîka na mûvîvue na mwaki mûrarûrwe ta ûrîa cuuma îrarûragwa.

Ezek 23:5

Ohola anarî mûka wakwa, nîwavûraga ûmaraa na kwîrirîria andû arîa mendanîte nao a kuuma Asîria.

Ezek 26:7

Ngai-Mûnene Ngai augîte atîrî, “Nîngaareta Nebukadinezarû mûthamaki wa Babuloni, mûthamaki ûrîa mûnene gûkîra athamaki arîa engî wa kuuma mwena wa rûgûrû atharîkîre Turo. Agaaûka arî na mbûtû nene ya athigari eengî, athigari matwîte mbarathi, na arî na mbarathi na ikaari cia mbarathi.

Danieli 2:37

We Mûthamaki wa athamaki, Ngai wa îgûrû nîke ûgûtuîte Mûthamaki na agakûva ûvoti, vinya na riiri.

Hosea 10:10

Nîngaûka kûrî andû aya aganu na nîmaverithie. Mavûrûri nîmakaûngana mamatharîkîre, makaverithua nîûndû wa mevia mao meengî.

Hosea 12:2

Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Hagai 2:6

Ngai-Mûnene mwene vinya wonthe arauga atîrî, “Vîndî îtarî ndaca nîngainainia îgûrû na nthî, îria na nthî nyûmû.