Hosea 7:5 - ÎVUKU RÎA ÛVORO MWARO

⁵ Mûthenya wa gûkûngûîra mûthamaki, atongoria ake manyuire ndivei makîrîwa na makîrita, nake mûthamaki akînyitanîra na andû arîa mamûnyûrûragia.

Hosea 7:5 ပူးပေါင်းရင်းမြစ်များ

Kîam 40:20

Mûthenya wa kathatû kuuma vîndî îo, warî wa gûkûngûîra gûciarwa kwa mûthamaki wa Misiri. Kwoguo nîwarûthîre ndungata ciake cionthe kîrugo. Nîwarutire mûnene wa amenyereri ndivei vamwe na mûnene wa arugi mîgate njeera, na akîmavira mbere ya ndungata ciake.

1Atha 13:4

Rîrîa mûthamaki Jeroboamu eegwire ûguo, nîworotire mûndû ûcio na njara arûngamîte vau metharî ya kîgongoona na akîathana atîrî, “Nyitani mûndû ûcio!” Wa rîmwe, njara îo mûthamaki oorotete mûrathi nayo nîyaûmagarire na akîremwa nî kûmîthunithia rîngî.

Thaburi 1:1

Kûrathimwa nî mûndû ûrîa ûreganaga na mataaro ma andû arîa aganu, ûrîa ûtarûmagîrîra njîra cia andû arîa evia, kana ekarania na andû arîa manyararaga ûvoro wa Ngai.

Thaburi 69:12

Andû mangutaga marî njîrarî, nayo mîrîu îtungaga nyîmbo cia kûûmina.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Nthi 20:1

Ndivei îretage înegene na njovi ndûrû îretage ngucanio, na mûndû ûrîa ûinyunyaga nî kîrimû.

Isaia 28:1

Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.

Isaia 28:14

Kwoguo mue andû aya ang'endu mue mwathaga andû mûrî Jerusalemu, thikîrîriani ûrîa Ngai-Mûnene arauga!

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Hosea 7:3

Nîmakenagia mûthamaki na waganu wao, na magakenia atongoria na maveeni mao.

Mathaayo 14:6

Rîrîa mûthenya wa gûkûngûîra gûciarwa kwa Herode wakinyire, mwarî wa Herodia nîweinirie arî mbere ya ageni onthe. Herode nîwakenirue mûno nî mwîrîtu ûcio,

Maariko 6:21

Na mûthiiarî, Herodia nîwacokire akîgîa na kamweke mûthenya ûrîa Herode akûngûagîra gûciarwa gwake. Mûthenya ûcio nîguo Herode aathondekete kîrugo na agetîra anene ake, atongoria a mbaara, wana andû arîa maarî na îgweta kûu Galili.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.