Hosea 7:3 - ÎVUKU RÎA ÛVORO MWARO

³ Nîmakenagia mûthamaki na waganu wao, na magakenia atongoria na maveeni mao.

Hosea 7:3 ပူးပေါင်းရင်းမြစ်များ

1Atha 22:13

Vîndî wa îo, ndungata îrîa yatûmîtwe kûrî Mikaia nîyamwîrire atîrî, “Arathi acio engî onthe nîmaratha atî mûthamaki nîakûvootana. Wanawe ratha maûndû maro wa tao.”

1Atha 22:6

Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

Jeremia 37:19

Marî kû arathi arîa maarathire magîkwîra atî, ‘Mûthamaki wa Babulonia ndagaakûtharîkîra kana atharîkîre vûrûri ûyû?’

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Hosea 10:13

Nwatî mûvandîte maûndû macûku, mûraketha maûndû matarî na kîvooto; nîmûrîte matunda ma ûthani wenyu. We Isiraeli, wevokire vinya waku wenga, na wîngî wa athigari aku a mbaara.

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Hosea 7:5

Mûthenya wa gûkûngûîra mûthamaki, atongoria ake manyuire ndivei makîrîwa na makîrita, nake mûthamaki akînyitanîra na andû arîa mamûnyûrûragia.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

1Joh 4:5

Arathi acio a maveeni nî a gûkû nthî, kwoguo maragia maûndû ma gûkû nthî. Nao andû a gûkû nthî nîmamathikagîrîria.