Hosea 6:3 - ÎVUKU RÎA ÛVORO MWARO

³ Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Hosea 6:3 ပူးပေါင်းရင်းမြစ်များ

2Sam 23:4

ethagîrwa ekariî ta riûa rîkîara kîraûko tene rîrîa gûtarî na matu, riûa rîrîa rîtûmaga nyaki îmere mbura yaura.”

Ayubu 29:23

Maambetagîrîra ta ûrîa metagîrîra mbura, ta ûrîa mûrîmi etagîrîra mbura ya mwere.

Thaburi 19:4

kûnarî ûguo mûgambo wacio ûrî nthî yonthe, na nîwîguîkaga nginya mîthiia yonthe ya nthî. Ngai nîwaigire riûa îgûrû rîtûûrage kuo,

Thaburi 19:6

Riumagîrîra mûthiiarî ûmwe wa îgûrû na rîkavîtûkania nginya mûthiia ûcio wîngî. Gûtirî kîndû kîngîîthitha kuuma kûrî ûrugarî wa riûa.

Thaburi 63:8

Nîîgwatithanîtie nawe, naguo vinya waku nî ûngitîrîte.

Thaburi 65:9

Nîûmenyagîrîra nthî na ûkamiurithîria mbura; nîûnorithagia mûthetu, we Ngai, rûnjî rwaku rwîcûrîte manjî, na nîûvecaga vûrûri irio, nîûndû ûguo nîguo ûvangîrîte vûrûri.

Thaburi 72:6

Mûthamaki arotuîka ta mbura mîgûndarî, ta rûthuthuû rûkiurîra nthî nyûmû.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Hosea 14:5

Ngethagîrwa mbîkariî ta îme kûrî andû a Isiraeli nao magacanûka ta yûa rîrîa rîmeraga rûnjîrî, makagîa na mîri ta mîtarakwe ya Lebanoni.

Hosea 14:6

Igaikia matumû matambe, ûthaka wake ûkethîrwa wîkariî ta mûtamaiyû, na mûruke mwaro wake ta mîtarakwe ya Lebanoni.

Hosea 2:20

Ta roria, na njîra ya wîvokeku nî ngakûvikia na nîûkaamenya atî nînie Ngai-Mûnene.”

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mika 5:7

Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Zakaria 10:1

Voyani Ngai-Mûnene amûve mbura vîndî ya mbura nini, Ngai-Mûnene nîke ûtûmaga kûgîe na matu maumaga mbura, akauria mbura na mîgûnda îkagîa na irio nîûndû wa andû onthe.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Luka 1:78

Ngai wetû arî ntha na nî mûkirîrîria. Nîagaatûma tûthererwe nî ûtheri wa ûvonokio.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”