Hosea 6:11 - ÎVUKU RÎA ÛVORO MWARO

¹¹ Wana mue andû a Juda, kavinda nîkathuure rîrîa mûkaverithua ûrî ta mûcara wenyu.

Hosea 6:11 ပူးပေါင်းရင်းမြစ်များ

Ayubu 42:10

Ayubu arîkia kûvoera arata ake, Ngai-Mûnene nîwamûcokerie indo ciake cionthe maita maîrî ma ûrîa ciegana mbere.

Thaburi 126:1

Rîrîa Ngai-Mûnene aatûcokirie Zayuni rîngî, twekariî ta andû makîroota!

Thaburi 85:1

We Ngai-Mûnene, nîwîguîrîrîte vûrûri waku ntha; nîûtûmîte Jakovu athatûkwa rîngî.

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 51:33

Ngai-Mûnene mwene vinya wonthe, Ngai wa Isiraeli arauga atîrî, “Babuloni îrangîtwe îgekara ta îtîri rîa kûvûrîra ngano, vîndî îrîa rîravarîrîrua. Nwatî vuva wa kavinda kanini, îvinda rîake rîa gûkethwa nîrîgakinya.”

Joeli 3:13

Ocani kaviû ga gûketha nîûndû rîu nî vîndî ya maketha. Tonyani! Mûmakinyange ta thavibu ciîcûrîte kîvivîrorî Kîam thavibu. Mavîtia mao nîmakîru njano, nîta matangi mecûrîte makauna.”

Mika 4:12

Nwatî maticî meciria ma Ngai-Mûnene, kana mataûkîrwa nî mûvango wake. Matiramenya amacokanîrîrîtie vamwe ta ikûmbwa cia ngano îtîrirî.

Zefania 2:7

Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Kûguû 14:15

Nake mûraika wîngî nîwaumire hekarûrî na akîanîrîra na mûgambo mûnene kûrî ûrîa wekarîrîte îtu atîrî, “Oca kaviû gaku ga gûketha na wambîrîrie gûketha, nîûndû maketha ma nthî nî makûrû!”