Hosea 6:10 - ÎVUKU RÎA ÛVORO MWARO

¹⁰ Nîmonete ûndû mûcûku mûno gatagatî ka andû a Isiraeli; andû a Efiraimu mavinyûraga gûtungatîra ngai wîngî, nama, andû a Isiraeli nîmegwatîtie mûgiro.

Hosea 6:10 ပူးပေါင်းရင်းမြစ်များ

1Atha 12:8

Nwatî nîwaregire kûrûmîrîra mataaro ma arûme acio akûrû, na vandû va ûguo akîthiî kûria ûtaaro kûrî anake a riika rîake arîa maamûtungatagîra.

1Atha 15:30

Ûndû ûcio wekîkire nîûndû Jeroboamu nîwevîtie, na agîtûma andû a Isiraeli mevie, na ûndû ûcio nîwatûmire Ngai-Mûnene, Ngai wa Isiraeli arakare.

2Atha 17:7

Samaria yathirire vinya nîûndû andû a Isiraeli nîmeevîtie mbere ya Ngai-Mûnene Ngai wao, ûrîa wamarutire vûrûrirî wa Misiri na wamavonoketie kuuma kûrî Faraû mûthamaki wa Misiri, na makagooca ngai ciîngî.

Jeremia 18:13

Kwoguo Ngai-Mûnene arauga atîrî, “Ta ûria mavûrûrirî monthe kana kûrî mûndû wanegua ûndû ta ûyû? Isiraeli nîwîkîte ûndû mûcûku mûno.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Ezek 23:5

Ohola anarî mûka wakwa, nîwavûraga ûmaraa na kwîrirîria andû arîa mendanîte nao a kuuma Asîria.

Ezek 23:7

Ohola nîwavûrire ûmaraa na andû onthe a Asîria arîa maarî îgweta, na nîwegwatirie gîko na njîra ya kûvoya mîvuanano ya mûndûmûrûme wa wonthe ûrîa eeriragîria.

Hosea 4:11

Ndivei ngûrû na njerû nîithengutagia ûmenyo.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Hosea 4:17

Andû a Efiraimu nîmeovanîtie na mîvuano. Tigana nao!

Hosea 5:3

Nîmbicî andû a Efiraimu, andû a Isiraeli matingînîthitha. Mue andû a Efiraimu nîmwîkîte maûndû ma ûtharia, andû onthe a Isiraeli nîmegwatîtie mûgiro.