Hosea 5:8 - ÎVUKU RÎA ÛVORO MWARO

⁸ Vuvani coro kûu Gibea, na tûrumbeta kûu Rama. Vuvani kîng'ora kûu Bethaveni. Mue andû a Benjamini, tetemani!

Hosea 5:8 ပူးပေါင်းရင်းမြစ်များ

2Sam 21:6

Kwoguo tûnengere arîû mûgwanja ake nîguo tûmacurie mbere ya Ngai-Mûnene kûu Gibea, îtûûra rîa Saûlo. Saûlo nîke mûthamaki ûrîa wathuurîtwe nî Ngai-Mûnene.” Mûthamaki nîwamacokerie atîrî, “Nîngûmûnengera o.”

1Atha 12:29

Nîwaigire gacaû kamwe ka thaavu kûu Betheli, nako kau kengî agîkaiga kûu Dani.

Isaia 10:29

Nîivîtûkîte îriûko, na ûmûnthî nîmararîrîra Geba! Andû a Rama marainaina nî guoya; nao andû a Gibea, îtûûra rîa Saûlo nîmaûrîte.

Jeremia 4:5

Ugîrîria Juda na wanîrîre Jerusalemu uuge atîrî, “Vuvani tûrumbeta kûu vûrûrirî, anîrîrani mwîre andû magomane vamwe; mathiî matûûrarî marîa mairigîre.

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Joeli 2:1

Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.

Joeli 2:15

Vuvani karumbeta kûu kîrîmarî gîa Zayuni; anîrîrani andû menyerekie, na mwîtane mûcemanio mûtheru.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Josh 7:2

Joshua nîwatûmire andû amwe makiuma Jeriko makîthiî Ai îtûûra rîrîa rîarî vakuvî na Bethiaveni mwena wa îrathîro wa Betheli. Joshua ameerire mathiî magatuîrie vûrûri ûcio. Na rîrîa andû acio maatuîririe vûrûri wa Ai,

Atir 5:14

Nîmaaumire Efiraimu makîthiî Kîamndarî, marûmîrîrîtie andû ao a mûvîrîga wa Benjamini. Atongoria a mbaara nîmaaumire Makiru, anene a mbaara nîmaaumire Zebuluni.

1Sam 15:34

Vuva wa ûguo, Samueli nîwathiîre Rama nake mûthamaki Saûlo akîînûka gwake mûciî kûu Gibea.

1Sam 7:17

Nake nîwacokaga akenûka mûciî gwake kûu Rama. Na arî kûu Rama, nîwatucagîra andû a Aisiraeli ciira arî na waragania na agîtumîra Ngai-Mûnene metha ya kûrutîra kîgongoona kuo.

1Sam 8:4

Nao athuuri onthe a Isiraeli nîmaaûnganire vamwe na makîthiî kûrî Samueli kûu Rama,