Hosea 5:6 - ÎVUKU RÎA ÛVORO MWARO

⁶ Nîmakaathiî na ikundi ciao cia ng'ombe na ng'ondu, gûcaria Ngai-Mûnene; nwatî matikamwona, nîûndû ke nîmûmatiganîriu.

Hosea 5:6 ပူးပေါင်းရင်းမြစ်များ

Ntha 10:9

Nake Musa nîwamûcokerie atîrî, “Tue tuonthe nîtûkûthiî, tûrî na ciana cietû na andû etû arîa akûrû. Nîtûkûthiî na anake etû na erîtu etû, wa vamwe na ng'ondu, mbûri na ng'ombe cietû, nîûndû nwanginya tûkaagîa na kîrugo nîguo tûkumie Ngai-Mûnene.”

Nthi 1:28

Nîmûgaacoka mûmbîte, nwatî ndikaamwîtîka. Mûkaanjaria na kinyi, nwatî mûtikaamona.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Rwîmbo rwa Nyîmbo 5:6

Nînavingûrîre mwendwa wakwa mûrango, nwatî mwendwa wakwa aarî mûthiîu. Nînendaga kwîgua mûgambo wake! Naamûcaririe nwatî ndiamwona. Naamwîtire nwatî ndaambîtîka.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Jeremia 11:11

Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.

Jeremia 11:14

Kwoguo, we Jeremia, ndûkangaîre kana ûmvoya nîûndû wa andû aya, nîûndû nie ndikaamathikîrîria mavinda marîa makethîrwa marî thînarî.”

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 7:4

Mûtikevoke ciugo ino cia maveeni: ‘Îno nî hekarû ya Ngai-Mûnene, îno nî hekarû ya Ngai-Mûnene, îno nî hekarû ya Ngai-Mûnene.’

Maca 3:44

Wîthithîte na îtu rînene, nîguo mavoya metû matigagûkinyîre.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 8:6

Nake nîwambîrire atîrî, “Mûndû, nîûrona ûrîa andû a Isiraeli mareka? Mareka maûndû marî mûgiro na ma gûtûma nthiî kûraca na nyomba yakwa îrîa nyamûre. Nîûkwona maûndû manene na marî magigi gûkîra mau.”

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Amosi 8:12

Andû nîmakaathiûrûrûka kuuma îria rîmwe kûthiî rîrîa rîngî, na kuuma rûgûrû kûthiî îrathîro. Nîmakavinyûra ava na vaarîa magîcaria kiugo Kîam Ngai, nwatî matigakîona.

Mika 3:4

Îvinda nîrîgakinya rîrîa mûkaarîrîra Ngai-Mûnene, nwatî ndakaamûcokeria. Ndakeegua mavoya menyu nîûndû nîmwîkîte maûndû macûku.

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Luka 5:16

Nwatî Jesû nîwamatigire na akîthiî werûrî kûvoera kuo.

Johana 7:34

Mue nîmûkaanjaria na mûtikaamona nîûndû mûtikaavota kûthiî kûrîa nie ngeethîrwa nîrî.”