Hosea 5:4 - ÎVUKU RÎA ÛVORO MWARO

⁴ Ciîko ciao itingîmetîkîria gûcokerera Ngai wao. Nîûndû mecûrîtwe nî ngumba ya ûmaraa; matimbicî nie Ngai wao.

Hosea 5:4 ပူးပေါင်းရင်းမြစ်များ

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Thaburi 9:10

Arîa maicî rîîtwa rîaku nîmakwîvokete, nîûndû we Ngai-Mûnene ndûtiganagîria arîa magûcaragia.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 50:38

Vûrûri wa Babuloni nîûture mbura, na nyûnjî cia kuo ivwe. Babuloni nî vûrûri wa ngai cia mîvuanano, na itûmîte andû akuo mauma ngoma.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Jeremia 9:6

Mavinyagîrîria andû na makamaveenia, na makarega kûmenya. Ûguo nîguo nie Ngai-Mûnene nîrauga.

Hosea 13:13

Ûrûrû ta wa mûndûmûka akîgîa na mwana nîûmûkinyîrîte. Nwatî ke nî mwana mûritu; kavinda gake ga gûciarwa ke nîwaregire kuuma ndarî ya ng'ina!

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 4:11

Ndivei ngûrû na njerû nîithengutagia ûmenyo.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Hosea 4:14

Ndikaverithia erîtu enyu rîrîa makethîrwa makîvûra ûmaraa, kana mverithie aviki enyu makîtharia. Nîûndû arûme nîo marûmanagîrîra na maraa, na makaruta magongoona vamwe na maraa ma ndini. Andû aya matarî na ûmenyo nama nîmagacûkangua.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Hosea 8:11

“Andû a Efiraimu nîmatumîte metha nyîngî mûno cia magongoona, kûu metharî icio cia magongoona nîkuo waganu wîngîvîrîte.

Johana 16:3

Andû nîmakaamwîka maûndû mama nîûndû matiîcî Vava na matimbicî.

Johana 8:55

Mue mûtianamûmenya, nwatî nie nînîmwîcî. Angîthîrwa nwa mbuge ndimwîcî, nîngîthîrwa nîrî mûthaani wa tamue. Nwatî nie nînîmwîcî na nîmbathîkagîra kiugo gîake.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,