Hosea 4:6 - ÎVUKU RÎA ÛVORO MWARO

⁶ Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Hosea 4:6 ပူးပေါင်းရင်းမြစ်များ

2Maû 15:3

Aisiraeli maatûûrîte kavinda karaca matarî na Ngai ûrîa wa ma, na matarî na mûthînjîri-Ngai wa kûmathomithia na matarî na watho.

Ayubu 36:12

Nwatî mangîkarega kûmwathîkîra, makaûragwa na rûviû, na magaakua nîûndû wa gûtura ûmenyo.

Thaburi 119:139

Nîmbakanagwa nî marakara, nîûndû nthû ciakwa nîiriganagîrwa nî ciugo ciaku.

Thaburi 119:153

Roria mathîna makwa na ûmvonokie, nîûndû ndiriganagîrwa nî watho waku.

Thaburi 119:61

Wana ethîrwa ndegetwe na mîtego nî andû arîa aganu, ndiriganagîrwa nî watho waku.

Thaburi 18:27

Nîûvonokagia andû arîa menyivagia, nwatî nîûturithagia kîene andû arîa etîi.

Nthi 10:21

Ciugo cia mûndû mûthingu igunaga andû eengî, nwatî irimû ikucaga nîûndû wa gûtura ûmenyo.

Nthi 19:2

Tî waro gwîka ûndû ûtambîte gwîciiria, nginya kavora ndiunîkaga îvîndî.

Isaia 1:3

Ng'ombe nîimenyaga mwene cio, na mvunda nîimenyaga rwaga rwa mwathi wa cio; nwatî Aisiraeli matiîcî, andû akwa matitaûkagîrwa.”

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Isaia 29:12

Ûngînengera mûndû ûtangîvota kûthoma na ûmwîre atîrî, “Ta nthomera îvuku rîîrî,” ke akaauga atîrî, “Ndiîcî kûthoma.”

Isaia 3:12

Andû akwa makaavinyagîrîrua nî ciana na aka mamathage. Mue andû akwa, atongoria enyu nî maramûvîtithia, makamwagagia nîguo mûvîtie njîra îrîa mûkûthiîra.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Isaia 5:13

Kwoguo nîngaavira andû akwa îthamîriorî nîûndû wa kwaga ûmenyo. Atongoria ao nîmagaakua nî yûra, na andû eengî nîmagaakua nî nyonda.

Jeremia 2:8

Athînjîri-Ngai matiaûria atîrî, ‘Ngai-Mûnene arî kû?’ Arîa maarî na ûûgî wa Watho matiamenya, athani nîmareganire nanie. Arathi maarathire na rîîtwa rîa Baali na makîgooca mîvuanano îrîa îtarî vata.”

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Ezek 44:23

“Athînjîri-Ngai makathomithagia andû ngûrani ya indo irîa ntheru na irîa itarî ntheru, na gûkûrana indo irîa irî mûgiro na irîa itarî mûgiro.

Hosea 13:6

Nwatî rîrîa mwarîre mûkîvaa, nîmwambîrîrie gwîtîîa, nginya mûkîriganîrwa nînie.

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Hosea 4:14

Ndikaverithia erîtu enyu rîrîa makethîrwa makîvûra ûmaraa, kana mverithie aviki enyu makîtharia. Nîûndû arûme nîo marûmanagîrîra na maraa, na makaruta magongoona vamwe na maraa ma ndini. Andû aya matarî na ûmenyo nama nîmagacûkangua.

Hosea 5:4

Ciîko ciao itingîmetîkîria gûcokerera Ngai wao. Nîûndû mecûrîtwe nî ngumba ya ûmaraa; matimbicî nie Ngai wao.

Hosea 6:6

Nîûndû mendete wendo ûtathiraga na tî îgongoona, kûmenya Ngai na tî matega ma kûvîvua.

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Hosea 7:9

Ageni nîmamûthirîtie vinya, na ke mwene ndaicî. Kîongo gîake kîonthe gîcûrîte mbuî, na ke mwene ndaramenya.

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Hosea 8:12

Wana nîngîamandîkîre maathani makwa mavinda meengî atîa, o mangîamoonaga marî kîndû kîgeni tu.

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Hosea 9:17

Ngai wakwa nîakaaregana nao, nîûndû nîmaregete kûmûthikîrîria; nîmatûûra maûrûraga mavûrûrirî.

Mathaayo 1:6

nake Jesii aarî îthe wa mûthamaki Daudi. Daudi aarî îthe wa Solomoni, na ng'ina wa Solomoni aarî mûndûmûka ûrîa wethîrîtwe arî mûka wa Uria.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 15:8

Ngai augîte atîrî, ‘Andû aya mamvecaga gîtîîo na mîromo nwatî ngoro ciao irî kûraca nanie.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,