Hosea 4:15 - ÎVUKU RÎA ÛVORO MWARO

¹⁵ Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Hosea 4:15 ပူးပေါင်းရင်းမြစ်များ

2Maû 17:4

Nwatî nîwagoocaga Ngai wa îthe na akarûmîrîra maathani make, na ndeeka ta ûrîa athamaki a Isiraeli meekaga.

2Maû 21:11

Wana nîwarûthîte kûndû gwa kûgoocagîra ngai cia mûvuanano irîmarî cia Judea. Nîwatûmire andû a Juda na a Jerusalemu mevîrie Ngai-Mûnene.

Isaia 48:1

Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Jeremia 44:26

Kwoguo ta thikîrîriani kiugo Kîam Ngai-Mûnene mue andû Juda na mûtûûraga vûrûri wa Misiri: nevîta na rîîtwa rîakwa rînene atî, ndigetîkîria mûndû wana ûmwe gatagatîrî kenyu evîta na rîîtwa rîakwa akiugaga atî, ‘wata ûrîa Ngai-Mûnene atûûraga mwoyo.’

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 10:8

Kûndû gwa kûvoera tûrîmarî twa Aveni, mevia ma Isiraeli, nîgûgaacûkangua. Mîgua na nthaugû nîkîikamera metharî ciao cia magongoona. Nao nîmakeera irîma, “Tûkunîkîre” na meere tûrîma atîrî, “Tûgwîreni!”

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 12:11

Nwatî Gileadi gwîcûrîte evia arîa magocaga ngai cia maveeni, na kûu Gileadi marutaga magongoona ma ndegwa, kwoguo metha ciao cia magongoona cigîtwe mûvari ta irûndo cia mathiga, mîtarorî ya mîgûnda mîrîme.

Hosea 12:12

Jakovu nîwathiîre Aramu, na arî kûu, nîwarutire wîra wa kûrîthia mbûri nîguo agîe na mûka.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Hosea 5:8

Vuvani coro kûu Gibea, na tûrumbeta kûu Rama. Vuvani kîng'ora kûu Bethaveni. Mue andû a Benjamini, tetemani!

Hosea 9:15

Ngai-Mûnene arauga atîrî, “Nîûndû wa waganu wao ûrîa wambîrîrie Giligali; kûu nîkuo nambîrîrie kûmamena. Nîûndû wa maûndû marîa mekaga ma mevia, nîngamengata maume nyombarî yakwa. Nie ndikamenda rîngî. Atongoria ao onthe nî aregani

Amosi 4:4

Ngai-Mûnene arauga atîrî, “Andû a Isiraeli thiîni Betheli mûkevie na mûthiî Giligali mwîvie mûno. Viragani magongoona menyu wa kîraûko na mûvirage gîcunjî gîa îkûmi vuva wa mîthenya îthatû.

Amosi 5:5

Mûtikaathiî Beeri-shiba kûgooca. Mûtikanjarie kûu Betheli nîûndû Betheli nîgaacûkangua kana mûthiî Giligali nîûndû nwanginya mathiî îthamîriorî.”

Amosi 6:10

Mûndû ûrîa makonenie na ûcio mûkuû angîgaaûka kûruta kimba nyomba nîguo akîvîvie, nîakeera ûrîa ûkethîrwa atigîtwe nyomba atîrî, “Kûrî mûndû mûrî nake kûu nyomba?” Nake nîagaacokia auge atîrî, “Naarî!” Nake nîakaauga atîrî, “Kira, tûtiagîrîrwe nî kûgweta rîîtwa rîa Ngai-Mûnene.”

Amosi 8:14

Nao arîa mevîtaga na Ngai ya mîvuanano ya Samaria makiugaga: ‘Wata ûrîa ngai ya Dani îtûûraga mwoyo,’ na makauga rîngî, kana ‘Wata ûrîa ngai ya Beerisheba îtûûraga mwoyo,’ andû acio nîmakagwa na matigaûkîra rîngî.”

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

Josh 5:9

Ngai-Mûnene nîwerire Joshua atîrî, “Ûmûnthî nînamûthengutîria gîconoko gîa kwîthîrwa mûrî ngombo vûrûrirî wa Misiri.” Kwoguo Joshua agîtuîrîra vandû vau rîîtwa Giligali na nwaguo vetagwa wana ûmûnthî.

Josh 7:2

Joshua nîwatûmire andû amwe makiuma Jeriko makîthiî Ai îtûûra rîrîa rîarî vakuvî na Bethiaveni mwena wa îrathîro wa Betheli. Joshua ameerire mathiî magatuîrie vûrûri ûcio. Na rîrîa andû acio maatuîririe vûrûri wa Ai,