Hosea 4:14 - ÎVUKU RÎA ÛVORO MWARO

¹⁴ Ndikaverithia erîtu enyu rîrîa makethîrwa makîvûra ûmaraa, kana mverithie aviki enyu makîtharia. Nîûndû arûme nîo marûmanagîrîra na maraa, na makaruta magongoona vamwe na maraa ma ndini. Andû aya matarî na ûmenyo nama nîmagacûkangua.

Hosea 4:14 ပူးပေါင်းရင်းမြစ်များ

1Atha 15:12

Nîwengatire kuuma vûrûrirî arûme na aka onthe arîa maarî maraa ma ndini na akîruta mîvuanano yonthe îrîa yarûthîtwe nî methe mao.

2Atha 23:7

Nîwacûkangirie nyomba irîa ciekaragwa nî maraa ma ngai ya Ashera irîa ciarî vakuvî na hekarûrî ya Ngai-Mûnene, kûrîa aka maatumagîra nguo irîa maatûmagîra makîgooca Ashera.

Nthi 28:5

Andû arîa eki naaî matitaûkagîrwa nî kîvooto, nwatî arîa magoocaga Ngai-Mûnene nîmataûkagîrwa viû.

Isaia 1:5

Mûrathiî na mbere kûregana na Ngai nîkî, nî mûkwenda mûverithue makîria? Wî mûtivie kîongo na ngoro yaku nî nthiru vinya.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Danieli 12:10

Andû eengî nîmakaatherua, nwatî andû arîa aganu nîmakaathiî na mbere gwîka waganu na gûtirî wanarî ûmwe gatagatîrî kao ûgaataûkîrwa. Nwatî andû arîa aûgî nîmagaataûkîrwa.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 4:17

Andû a Efiraimu nîmeovanîtie na mîvuano. Tigana nao!

Hosea 5:4

Ciîko ciao itingîmetîkîria gûcokerera Ngai wao. Nîûndû mecûrîtwe nî ngumba ya ûmaraa; matimbicî nie Ngai wao.

Amosi 2:7

Nîmaanyamaririe arîa matarî vinya, na makaregana na kîvooto Kîam athîni. Mûndû na îthe mamenyanaga kîîmwîrî na mwîrîtu ûmwe ngombo, kwoguo nîmatûmaga rîîtwa rîakwa rîtheru rîgîe na mûgiro.

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Ndari 25:3

Kwoguo Aisiraeli nîmaambîrîrie kûgooca Baali ngai ya Peori. Nake Ngai-Mûnene nîwarakarirue nî andû acio a Isiraeli.

Johana 8:43

Mûrarega gûtaûkîrwa nî ûrîa nîrauga nîkî? Mûrarega gûtaûkîrwa nîûndû mûtirenda kûthikîrîria ndûmîrîri yakwa.

Aroma 3:11

Gûtirî mûndû mûgî kana mûndû ûgoocaga Ngai.

1Akor 6:16

Mandîkorî matheru nîkwandîkîtwe atîrî, “Aîrî nîmagaatuîka mwîrî ûmwe.” Kwoguo mue mwagîrîrwe nî kûmenya atî mûndû wa wonthe ûmenyanaga kîîmwîrî na mûmaraa nîatuîkaga ûmwe nake kîîmwîrî.

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.

Gûco 23:17

“Gûtirî Mûisiraeli, mûndûmûrûme kana mûndûmûka ûgatuîka îraa rîa ndini.

Ahib 12:8

Ngai nîaverithagia ciana ciake. Kwoguo ethîrwa mûtiverithagua, ûguo nîkuga mûtirî ake mûrî ciana cia mûndû wîngî.