Hosea 3:4 - ÎVUKU RÎA ÛVORO MWARO

⁴ Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Hosea 3:4 ပူးပေါင်းရင်းမြစ်များ

Kîam 31:19

Vîndî îo, Labani aarî akûthiî kwenja ng'ondu ciake. Nake Rakeli nîwaîire ngai cia mîvuanano irîa îthe aaigîte nyomba.

Kîam 31:34

Rakeli nîke wocete ngai cia mûciî cia îthe na agîciga matandîkorî ma ngamîîra na agîciîkarîra. Labani nîwaicaririe îgemarî ndaarî nwatî ndaaciona.

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

2Atha 23:24

Mûthamaki Josia nîwarutire kuuma Jerusalemu na Juda arogi, aragûri, na ngai cia mîvuanano, na indo cionthe irîa ciarî mûgiro. Josia eekire ûguo nîguo avingie mawatho marîa mandîke îvukuurî rîrîa mûthînjîri-Ngai Hilikia oonire hekarûrî ya Ngai-Mûnene.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Ntha 28:4

Meere matume nguo ya gûkunîkîra kîthûri, efodi, nguo ndaca, kavuti karaca gakinyîte nthûng'warî na kagemetue na ndigi cia marangi ngûrani, kîremba na mûcivi mûraca ûtumîtwe na gîtambaa. Nîmatume nguo icio ntheru cia mûrwanyûkwe Aroni na avîcî, nîguo mandungatagîre marî athînjîri-Ngai.

Ntha 28:6

“Nîmagaatuma efodi ya gîtambaa kîrîa Kîamro Kîam ndigi cia rangi wa vururu, njambarawe na ndune na cia thaavu îgemetue waro

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Ezek 19:14

Mwaki umîte gîtinarî Kîam mûthavibu, ûkathiî ûkavîvia mvûa ciaguo na matunda ma guo, nîguo gûtikethîrwe kûrî na gîtina kîrî na vinya, na gûtarî na mûragi wa wathani. Rûrû nî rwîmbo rwa macakaya, na rûvûthagîrwa rûrî rwa macakaya.

Ezek 20:32

Ûguo mûtuîte na ngoro cienyu gûtingîvoteka, nîûndû mûrauga atî nîmwenda kûvanana na ndûrîrî irîa ciîngî, irîa igoocaga mîtî na mathiga.”

Ezek 21:21

Nîûndû mûthamaki wa Babuloni akaarûngama varîa njîra itigithanîrîte, Kîammbîrîriarî Kîam njîra icio cioîrî nîguo aragûrie. Nîakainainia mîguî yake, na aûrie kuuma kûrî mîvuanano, na arorie nyama ya îtema.

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Danieli 12:11

“ ‘Kuuma vîndî îrîa matega ma kûvîvua ma wa mûthenya maarûngamirue, na ûndû ûrîa ûrî mûgiro ûgîkîka, mîthenya ngiri îmwe na magana maîrî ma mîrongo kenda (1,290) îkethîrwa îrî mîvîtûku.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Hosea 13:10

Mûthamaki wenyu arîkû rîu nîguo amûvonokie? Atongoria enyu marî kû nîguo mamûgitîre? Nîmue mwavoire atîrî, ‘Tûve mûthamaki na anene nîguo matwathage.’

Hosea 13:11

Nîrî na marakara nînamûveere mûthamaki, na nîrî na marûrû nînamacunire mûthamaki.

Hosea 2:11

Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.

Alawi 8:7

Musa nîwekîrire Aroni nguo ndaca na akîmûova mûcivi kiunorî na akîmwîkîra kîthiri. Nîwamwîkîrire efodi na akîmûova kîûnûrî na mûcivi wa efodi îo.

Zakaria 10:2

Andû matuîragia maûndû kûrî ngai cia mana, na aragûri makoona cioneki cia maveeni; iroto ciao ciîthagîrwa irî cia maveeni, na kûmanîrîria kwao nîkwa mana. Kwoguo andû maûrûraga ta ng'ondu; mavinyagîrîrua nîûndû matirî na mûrîthi.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Ahib 10:26

Ethîrwa nwa twîvie na rûtûrîko vuva wa kûmenya ûvoro ûrîa wa ma, gûtirî îgongoona rîngîvota kûrutwa rîa kûthengutia mevia.

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.

Atir 18:14

Arûme acio atano arîa maathiîte kûthigana vûrûri wa Laishi nîmeerire andû ao atîrî, “Nî mwîcî atî nyombarî îmwe ya ino kûrî na ngai ya mûvuanano îvakîtwe sîlûva kuonthe? Kûrî wana mîvuanano îngî na efodi. Rîu îîcirieni ûrîa mûgwîka.”

Atir 8:27

Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.

1Sam 14:3

(Amwe gatagatîrî ka arûme acio maarî, mûthînjîri-Ngai ûrîa wetagwa Ahija na nîke wakuuîte efodi. Ahija aarî mûvîcî wa Ahitubu; Ahitubu aarî mûrwang'ina na Ikabodi. Ikabodi nake aarî mûvîcî wa Finehasi, Finehasi aarî mûvîcî wa Eli, ûrîa warî mûthînjîri-Ngai wa Ngai-Mûnene kûu Shilo.) Nao arûme acio matiamenya atî Jonathani aarî mûthiîu.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 21:9

Nake Ahimeleku nîwacokirie atîrî, “Nîrî na rûviû rwa Goliathu, ûrîa waûragîre Kîamndarî Kîam Ela na rûrî vuva wa Efodi rûovetwe na gîtambaa. Ethîrwa nîûkûrwenda rwoce, nîûndû rûu nwaruo rûrî gûkû.” Nake Daudi nîwaugire atîrî, “Nengera ruo, gûtirî rûviû rwîngî rwaro ta ruo.”

1Sam 22:18

Kwoguo mûthamaki nîwerire Doegu atîrî, “Maûrage arî we!” Nake Doegu nîwaûragire athînjîri-Ngai onthe. Mûthenya ûcio, ke nîwaûragire athînjîri-Ngai mîrongo înana na atano arîa meekagîra efodi.

1Sam 23:6

Vîndî îrîa Abiatharu mûvîcî wa Ahimeleku aatorokire na akîthiî kûrî Daudi kûu Keila, nîwathiîre akuuîte efodi.

1Sam 23:9

Rîrîa Daudi aamenyire atî Saûlo aarî na mûvango wa kûmûtharîkîra, nîwerire Abiatharu mûthînjîri-Ngai atîrî, “Ndetere efodi ava.”

1Sam 30:7

Nake Daudi nîwerire mûthînjîri-Ngai Abiatharu mûvîcî wa Ahimeleku atîrî, “Ta ndetera efodi.” Nake Abiatharu nîwavirîre Daudi efodi.