Hosea 2:8 - ÎVUKU RÎA ÛVORO MWARO

⁸ Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.

Hosea 2:8 ပူးပေါင်းရင်းမြစ်များ

1Maû 29:16

We Ngai-Mûnene, Ngai wetû tûnganîtie indo ino cionthe na wîngî nîguo tûgûtumîre hekarû nîguo tûve rîîtwa rîaku rîtheru gîtîîo. Cionthe ciumîte kûrî we, na nî ciaku.

Ayubu 19:8

Ngai nîamvingîrîte njîra, ndingîvota kûvîtûka, nîekîrîte njîra ciakwa nduma.

Isaia 1:3

Ng'ombe nîimenyaga mwene cio, na mvunda nîimenyaga rwaga rwa mwathi wa cio; nwatî Aisiraeli matiîcî, andû akwa matitaûkagîrwa.”

Isaia 46:6

Andû arîa metûrûraga thaavu kuuma mîvukorî yao, makîthimaga sîlûva na ithimi ciao, mandîkaga mûturi wa thaavu, nake akathondeka mûvuanano wa ngai yao; nao macokaga makamîturîria maru makamîgooca!

Jeremia 7:18

Ciana ciunaga ngû, methe magakia mwaki, nao aa ng'ina magakanda mûtu wa kûruga mîgate ya ngai ya mûndûmûka îrîa metaga mûthamaki mûndûmûka wa îgûrû. Marutagîra ngai ciîngî matega ma ndivei, nîguo matûme ndakare.

Ezek 23:41

Mekarîîre itî mbaro mûno ta irîa ciîkaragîrwa nî anene na metha îtandîkîtwe mbere yao. Metharî îo maaigîrîrîte ûbani wakwa na maguta makwa.

Danieli 3:1

Mûthamaki Nebukadinezarû nîwarûthithirie mûvuanano wa thaavu wa mita mîrongo îîrî na mûgwanja na îgûrû na wariî wa mita ithatû. Nîwaugire wigwe Dura, kûndû kûrîa kwaraganu vûrûrirî wa Babuloni.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Hosea 4:11

Ndivei ngûrû na njerû nîithengutagia ûmenyo.

Hosea 8:4

Andû akwa nîmeethuurîre mûthamaki ndamavete rûtha, nîmeethuurîre atongoria arîa nie ndaicî. Nîmeerûthîrîte ngai cia sîlûva na cia thaavu, ûndû ûyû nîguo ûkamûthiria.

Habakuku 1:16

Nîmagoocaga neti ciao na makairutîra magongoona, nîûndû nîcio imavecaga indo cia gwîkenia, na kûrîa irio mbaro.

Luka 15:13

Mîthenya mînini yavîtûka, mwanake ûcio warî mûnini nîwendirie îgai rîonthe rîake na akiuma kûu mûciî arî na mbeca. Nîwathiîre vûrûrirî ûmwe wa kûraca kûrîa anangire mbeca cionthe ciake na gwîka maûndû ma ûûra nthoni.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.