Hosea 2:15 - ÎVUKU RÎA ÛVORO MWARO

¹⁵ Kûu nîkuo ngamûcokeria mîgûnda yake ya mîthavibu, nîngatua Kîamnda Kîam Akori mûromo wa kîîrîgîrîro. Akanûmagîrîra atakûringîrîrua ta ûrîa ekaga arî mwîthî, ta rîrîa aarî vûrûri wa Misiri.

Hosea 2:15 ပူးပေါင်းရင်းမြစ်များ

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

Thaburi 106:12

Andû a Isiraeli nîmaacokire magîtîkia ciugo ciake, na makina nyîmbo cia kûmûkumia.

Thaburi 129:1

Nthû ciakwa itwîre inyamaragia kuuma nîrî mwîthî andû onthe Isiraeli nîmauge ûguo.

Isaia 65:10

Ciandarî cia Sharoni igaatuîka cia kûrîthagua ng'ondu, nacio Ciandarî cia Akori ituîke kûndû gwa kûnogokagwa nî ng'ombe cia andû akwa arîa maanjaragia.

Isaia 65:21

Andû magaatumaga nyomba na magatûûra kuo; makaavandaga mîthavibu na makarîa matunda mayo.

Jeremia 2:1

Ndûmîrîri ya Ngai-Mûnene nîyanginyîre ngîrwa atîrî,

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Jeremia 3:4

Kinthî ndwarîkia kûmbîta wauga atî: “We nîwe vava wamendire kuuma nîrî mwana.

Jeremia 32:15

Nîûndû Ngai-Mûnene, mwene vinya wonthe na Ngai wa Isiraeli augîte atî andû nîmakaagûra rîngî nyomba, ithaka na mîgûnda ya mîthavibu vûrûrirî ûyû.”

Maca 3:21

Nwatî nîngîcaga na kîîrîgîrîro, naririkana ûndû ûyû ûmwe:

Ezek 16:22

Ûgîka maûndû mau maku macûku wana ûkîvûra ûmaraa, ndwaririkana wana vanini vîndî îrîa warî mûnini na wagaragaraga ûrî njaga nthakamerî yaku.”

Ezek 16:60

Kûnarî ûguo, nîngaaririkana kîrîkanîro kîrîa twarîkanîre nawe rîrîa warî mwîthî, na nîngaarûtha kîrîkanîro nawe gîa gûtûûra tene na tene.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Ezek 28:25

Ngai-Mûnene Ngai arauga atîrî, “Nîngaûngania andû a Isiraeli na nîmacokanîrîrie vamwe kuuma mavûrûrirî marîa maanyaganîrîtue. Ngeeka ûguo nîguo andû a ndûrîrî mone ûthingu wakwa. Nao andû a Isiraeli nîmagacoka gûtûûra vûrûrirî ûrîa naveere Jakovu, ndungata yakwa.

Ezek 28:26

Nîmagaatûûra kuo marî agitîre. Nîmagaatuma nyomba kuo na mavande mîtî ya mîthavibu. Magaatûûra marî agitîre nîûndû nîngaaverithia mavûrûri marîa mariganîtie nao marîa maamavinyagîrîria. Na nîmakaamenya atî nie nînie Ngai-Mûnene Ngai wao.”

Hosea 11:1

Rîrîa Isiraeli aarî mwana nînamwendire, namûruta Misiri nînamwîtire mwana wakwa.

Hosea 12:13

Na njîra ya mûrathi Ngai-Mûnene nîwarutire andû a Isiraeli kuuma Misiri, na na njîra ya mûrathi Ngai nîwamagitîre.

Hosea 12:9

Nînie Ngai-Mûnene Ngai wenyu, ûrîa wakûrutire Misiri ûkomborî! nîngatûma mûcoke gûtûûraga magemarî rîngî, wa ta ûrîa mwîkaga mwaka wa mwaka vîndî ya kîrugo gîa tûnyomba.

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Hosea 2:12

Nîngacûkangia mîthavibu yake na mîkûyû yake, irîa augaga atî arîvirwe nî arata ake, Nîngaamîtua mûtitû îrîcagwe nî nyamû cia kîthaka.

Amosi 9:14

Nîngacokia andû akwa vûrûrirî wao, nîmagaatuma rîngî matûûra marîa moomorirwe na matûûre kuo, nîmakaavanda mîthavibu na manyue ndivei ya yo, nîmakavanda irio mûgûndarî na marîe maketha ma yo.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Ndari 21:17

Vîndî îo andû a Isiraeli nîmaainire atîrî, “Kîthima nîkîauma manjî, nîtûkûngûîre.

Johana 10:9

Nie nînie kîvingo. Mûndû wa wonthe ûvîtûkagîrîra varî nie agîtonya, nîakaavonoka; ke agaatonyaga na akauma na akona kîndû gîa kûrîa.

Ciîko 14:27

Na rîrîa Paûlo na Baranaba maakinyire Antiokia, nîmaacokanîrîrie andû a kanitha vamwe, na makîmeera maûndû monthe marîa Ngai eekîte na njîra yao. Nîmaamerire wana ûrîa Ngai aavete andû a ndûrîrî kanya ga gwîtîkia.

Josh 7:26

Nîmaacokire makîmwigîrîra mathiga mengî mûno na nîmatûûraga vo wana ûmûnthî. Kîu nîkîo gîatûmire vandû vau vetagwe Kîamnda Kîam Akori nginya ûmûnthî. Nake Ngai-Mûnene nîwathirirwe nî marakara.

Atir 8:34

Andû a Isiraeli matiacoka kûririkana Ngai-Mûnene, Ngai wao, ûrîa wamavonoketie kuuma kûrî nthû ciao cionthe irîa ciamathiûrûrûkîrîtie mîena yonthe.