Hosea 2:11 - ÎVUKU RÎA ÛVORO MWARO

¹¹ Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.

Hosea 2:11 ပူးပေါင်းရင်းမြစ်များ

1Atha 12:32

Jeroboamu nîwatuire andû makûngûagîre kîrugo mûthenya wa îkûmi na îtano mwerirî wa kanana, ta kîrugo kîrîa kîethagîrwa Juda. Metharî ya kîgongoona kûu Betheli nîwarutîre tûcaû twa thaavu tûrîa aarûthîte magongoona, na akiga athînjîri-Ngai kûu Betheli matungatage marî kûndû kûrîa gûtûgîru gwa kûgoocera kûrîa aatumîte.

Jeremia 16:9

Nîûndû nie, Ngai-Mûnene Ngai wa Isiraeli nîrauga atîrî: “Nîngathiria mîgambo ya andû arîa marakena na magacanjamûka, na nthirie mîgambo ya gîkeno Kîam mûviki na mûvikania. Maûndû mama monthe ngeka mûrî mwoyo na mûkîmonaga.

Jeremia 25:10

Nîngakiria arîa onthe makethîrwa makîanîrîra marî na gîkeno na macanjamûkîte wana arîa makethîrwa makinîra mûviki na mûvikania. Mîgambo ya ithîi ndîkeguîka na taa nîikavorua.

Jeremia 7:34

Na kûu matûûrarî ma Juda na tûcîrarî twa Jerusalemu nîngatûma gûtikegue mûgambo wa kûthekania na wa gîkeno, mûgambo wa mûviki na mûvikania, nîûndû vûrûri wonthe ûgatwîka îganjo.”

Ezek 26:13

Nîngaatûma mîgambo ya nyîmbo ciaku îthire, na mûgambo wa inanda ciaku irîa nene na ngita ndûkeguwa rîngî.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Hosea 5:7

Nîmatigîte gûtuîka evokeku kûrî Ngai-Mûnene, nîmagîte na ciana îtarî cia ma. Mweri mûcerû nîûkamacûkangia vamwe na mîgûnda yao.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Amosi 5:21

Ngai-Mûnene arauga atîrî, “Nîmenete na nganyarara irugo cienyu, na ndikenagua nî ciûngano cienyu cia ndini.

Amosi 8:3

Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.