Hosea 2:10 - ÎVUKU RÎA ÛVORO MWARO

¹⁰ Ngamûruta nguo atigwe arî ndûûrû mbere ya arata ake, na gûtirî mûndû ûkangiria.

Hosea 2:10 ပူးပေါင်းရင်းမြစ်များ

2Maû 24:7

(Anake a Athalia nîmaatonyete hekarûrî na magooca indo cionthe irîa ciarî nyamûrîre hekarû na magaitûmîra kûgooca Baali, ngai ya mûvuanano.)

Thaburi 50:22

“Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.

Nthi 11:21

Menyani nama atî nwanginya andû arîa acûku makaaverithua, nwatî andû arîa athingu nîmakaavonokua.

Isaia 3:17

Kwoguo, nie Ngai-Mûnene nîngaamaverithia; aka acio a Zayuni nîngaamenja njuîrî cia ciongo ciao, na nîmarute nguo matigwe marî njaga.”

Jeremia 13:22

Na ûngîyûria na ngoro atîrî, “Maûndû mama marekîka nîkî, kûrî nie?” Nîûndû wa ûrîa mevia maku mengîvîte, nîkîo gîtûmîte ûkûnjûa nguo, na ûkamenyanwa nawe kîîmwîrî na vinya.

Jeremia 13:26

Nie nîngûkûnja nguo nginya kîongo, na njaga yaku nîîkonekana.

Ezek 16:16

Nîwocire nguo imwe ciaku na ûkîgemia kûndû kûrîa warûthîte gwa kûvoera na ûkîvûrîra ûmaraa kuo. Ûndû ta ûcio ndwanoneka rîngî na ndûkooneka.

Ezek 16:19

Irio ciakwa irîa Nie nakûveere, cia mûtu ûrîa mûvinyu, maguta ma ndamaiyû na ûûkî, warutire mîvuanano îo irî îgongoona rîa mûtararûko ûrîa ûnungaga waro nîguo ûmîkenie.” Ûguo nîguo Ngai-Mûnene arauga.

Ezek 23:29

Nîûndû wa ûrîa makûthûrîte, nîmagaagûcuna indo ciaku irîa ûtûîre ûthûkûmaga na magûtige ûrî njaga ûtarî nguo. Nayo njaga ya ûmaraa waku nîîkonekana, ûmaramari na ûraa waku cionekane.

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Hosea 2:3

Ethîrwa tî ûguo nîngûmûruta nguo atigwe arî njaga, nîngatûma ekare ta ûrîa aaciarirwe. Nîngatûma ekare ta werû, nîngatûma ekare ta nthî nyûmû. Nîngamûraga na nyonda.

Hosea 6:9

Ta ûrîa acunani methithagîra mûndû njîrarî, nwata guo athînjîri-Ngai mekaraga ikundi makavîrîte andû. Maûragagîra andû njîrarî ûthiîte Shekemu, nama, nîmekaga maûndû macûku mûno.

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.