Hosea 14:8 - ÎVUKU RÎA ÛVORO MWARO

⁸ Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Hosea 14:8 ပူးပေါင်းရင်းမြစ်များ

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Ayubu 34:32

Monia mavîtia marîa ndavotaga kwona, ethîrwa nîmbîkîte maûndû macûku ndikameka rîngî.

Isaia 41:19

Nîngaavanda mîtarakwe kûu werûrî, mîgaa, mîandathi na mîtamaiyû, na mvande mîvondo mîcindanûgû na mîkarakava vamwe,

Isaia 55:13

Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”

Isaia 60:13

Nîûkaareterwe riiri wonthe wa Lebanon: mîthithinda, mîcindanûgû na mîkarakava yonthe nîîkaretwe nîguo îgemie hekarû yakwa, nanie nîngaacoka nthakarie varîa mbîkaraga.

Ezek 17:23

Ngaakavanda vandû îgûrû kîrîmarî kîrîa kîraca mûno gîa Isiraeli. Nîgagaakûra kagîe na mvûa, kagîe na maciaro na gatuîke mûtarakwe mwaro. Nyamû cia mîthemba yonthe nîigaatûûraga rungu rwa mwîgunyî wa guo, na iconi cionthe nîigaatuma ciomba ciacio mvûarî cia mûtarakwe ûcio.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Luka 15:20

Kwoguo mwanake ûcio nîwaumire kûu na agîcoka kûrî îthe. “Na rîrîa mwanake ûcio aarî varaca na mûciî, îthe nîwamwonire na akîringwa nî ntha, agîcoka akîvinyûra, akîmûkumbatîria na akîmûmumunya.

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Aefeso 5:9

nîûndû ûtheri nîguo ûretaga maûndû monthe maro, ma ûthingu na ma ma.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Afil 4:13

Nwambîke maûndû monthe na njîra ya ûrîa ûmvecaga vinya.

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.