Hosea 14:6 - ÎVUKU RÎA ÛVORO MWARO

⁶ Igaikia matumû matambe, ûthaka wake ûkethîrwa wîkariî ta mûtamaiyû, na mûruke mwaro wake ta mîtarakwe ya Lebanoni.

Hosea 14:6 ပူးပေါင်းရင်းမြစ်များ

Kîam 27:27

Rîrîa Jakovu aathiîre vakuvî na îthe nîguo amûmumunywe, Isaka nîwanungîre nguo ciake, akîmûrathima na akîmwîra atîrî, “Mûnungo mwaro wa mûvîcîwa nwa ta mûnungo wa mûgûnda ûrîa Ngai-Mûnene arathimîte.

Thaburi 128:3

Mûkaguo agekaraga ta mûthavibu ûrîa ûciaraga mûno arî gwaku mûciî; ciana ciaku ikethagîrwa ciîkariî ta matumû ma mûtî wa mûtamaiyû ithiûrûrûkîrîtie metha yaku.

Thaburi 52:8

Nwatî nie mbîkariî ta mûtî wa mûtamaiyû ûgîkûra nyombarî ya Ngai, nîîvokaga wendo ûtathiraga wa Ngai tene na tene.

Thaburi 92:12

Andû arîa athingu matûûraga ta mîtî ya mîkîndû, magaakûra ta mîtarakwe ya Lebanoni.

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Jeremia 11:16

Vîndî îmwe Ngai-Mûnene aamwîtire; mûtamaiyû mûruru, na ûrî na matunda maro. Nwatî rîu, na mûrurumo ta wa ngûa, nîakûûgwatia mwaki, nacio mvûa ciaguo ivîe cionthe.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Mathaayo 13:31

Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta mvîndî ya mûtî wa karatarî îrîa mûndû oocire na akîmîvanda mûgûndarî wake.

Johana 15:1

“Nie nînie Mûthavibu wa ma, nake Vava nîke mûrîmîri.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.