Hosea 14:5 - ÎVUKU RÎA ÛVORO MWARO

⁵ Ngethagîrwa mbîkariî ta îme kûrî andû a Isiraeli nao magacanûka ta yûa rîrîa rîmeraga rûnjîrî, makagîa na mîri ta mîtarakwe ya Lebanoni.

Hosea 14:5 ပူးပေါင်းရင်းမြစ်များ

2Sam 23:4

ethagîrwa ekariî ta riûa rîkîara kîraûko tene rîrîa gûtarî na matu, riûa rîrîa rîtûmaga nyaki îmere mbura yaura.”

2Atha 19:30

Nao andû arîa matigarîte a nyomba ya Juda nîmakaagîa na vinya rîngî na magîe na maciaro.

Ayubu 29:19

Mbîkariî ta mûtî ûrîa ûtambagia mîri manjîrî, wîthagîrwa na îme mvûarî ciaguo ûtukû wonthe.

Thaburi 133:3

Nîta îme rîa kîrîma Kîam Herimoni, rîrîa rîgûcaga irîmarî cia Zayuni. Kûu nîkuo Ngai-Mûnene eranîrîte nîakaarathima andû ake, na kûmava ûtûûro ûtathiraga.

Thaburi 72:16

Vûrûrirî kûrogîa na irio nyîngî; irîmarî kûrogîa na irio nyîngî, ta irîa ikûraga Lebanoni. Nao andû maroîcûra matûûrarî, ta nyaki îrî mûgûndarî.

Thaburi 72:6

Mûthamaki arotuîka ta mbura mîgûndarî, ta rûthuthuû rûkiurîra nthî nyûmû.

Thaburi 80:9

Nîwaûrîmîre nîguo ûkûre, nîwamerire na mîri yaguo nîyarikîre îgîtamba nthî yonthe.

Thaburi 92:12

Andû arîa athingu matûûraga ta mîtî ya mîkîndû, magaakûra ta mîtarakwe ya Lebanoni.

Thaburi 92:13

Mekariî ta mîtî îvandîtwe nyombarî ya Ngai-Mûnene, îrîa îkûragîra hekarûrî ya Ngai wetû.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Rwîmbo rwa Nyîmbo 2:16

Mwendwa wakwa nî wakwa nanie nîrî wake, arîthagia ng'ondu ciake kûrîa kûrî maûa,

Rwîmbo rwa Nyîmbo 4:5

Nyondo ciaku nîta nthwariga cia mathatha, ikîrîa kûndû kûrî ma maûa.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 18:4

Nîûndû Ngai-Mûnene ambîrîte atîrî, “Nîngaaroria gûkû nthî ngirîte nîrî îgûrû kûrîa ndûûraga, nîngaaroria ngirîte nîrî kûrîa ndûûraga, ngirîte ta ûrugarî vîndî îrîa riûa rîarîte, ta ûrîa îtu rîa îme rîgûcaga vîndî ya maketha.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 45:8

Mbura nîyure kuuma îgûrû, namo matu nîmaurithie ûthingu nthî, nthî nîyatûke nîguo îciare ûvonokio, na îtûme kûgîe na ûthingu wanaguo. Nie Ngai-Mûnene nînie mbîkîte maûndû mau.”

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 57:19

Nînie Ngai-Mûnene ngaamava thayû, thayû kûrî arîa marî kûraca na arîa marî gûkuvî! Nînie ngaavonia andû akwa.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Mika 5:7

Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Mathaayo 6:28

“Na mûtangîkaga nîkî nîûndû wa nguo? Ta roriani maûa ma kîthaka ûrîa makûraga; matirutaga wîra kana metumîre nguo.

Luka 12:27

Tathiîni mûkaaroria ûrîa maûa ma kîthakarî makûraga; matiîrutagîra wîra wana kana metumîre nguo. Nwatî nie nîramwîra atî wana ethîrwa mûthamaki Solomoni aarî mûtongu mûno, ke ndangîonire riiri ta wa riûa wana rîmwe rîa mama.

Aefeso 3:17

Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.