Hosea 14:4 - ÎVUKU RÎA ÛVORO MWARO

⁴ Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Hosea 14:4 ပူးပေါင်းရင်းမြစ်များ

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 20:8

Andû ta acio nîmakaavîngwa na magwe, nwatî tue nî tûgaûkîra na tûrûngame twîkindîrîtie.

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Jeremia 8:22

Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?

Ezek 33:14

Wana rîngî nwambîre mûndû mwaganu atî, ‘Nama we nîûgaakua.’ Kûnarî ûguo angîgarûrûka atige kwîvia na acoke gwîka maûndû ma kîvooto na marîa magîrîru,

Ezek 36:36

Namo mavûrûri marîa magaatigara mamûthiûrûrûkîrîtie, nîmakaamenya atî nie Ngai-Mûnene, nîndumîte rîngî kûrîa kwarî kwomomoku na kûrîa gwatuîkîte werû ngatûma gûkûre mîtî rîngî. Nie Mwathani nînie mbugîte ûguo, na nîngaawîka.”

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Hosea 2:19

Nîngagûtua mûka wakwa tene na tene; ûtuîke wakwa na njîra ya ûthingu na kîvooto, na njîra ya wendo ûtathiraga na ntha.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Ndari 25:11

Finehasi, mûvîcî wa Eliazaru wa Aroni mûthînjîri-Ngai, nîwathiria marakara makwa kûrî andû a Isiraeli. Finehasi nîwareganire na ûvoro wa kûgooca ngai îngî tiga nie. Kîu nîkîo kîgiririe njûkangia andû a Isiraeli onthe narakara.

Ndari 25:4

Kwoguo Ngai-Mûnene nîwerire Musa atîrî, “Ûngania atongoria onthe a andû a Isiraeli na ûmaûrage mûthenya andû onthe makîonaga, nîguo marakara makwa îgûrû rîao mathire.”

Aroma 3:24

Nwatî na njîra ya kîveo kîrîa kiumanaga na wega wa Ngai, andû onthe nîmatuîtwe athingu na njîra ya Jesû Kristû ûrîa ûmakûûrîte kuuma meviarî.

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

Tito 3:4

Nwatî rîrîa Ngai Mûvonokia wetû atwonirie wendo na ûtugi wake,