Hosea 13:6 - ÎVUKU RÎA ÛVORO MWARO

⁶ Nwatî rîrîa mwarîre mûkîvaa, nîmwambîrîrie gwîtîîa, nginya mûkîriganîrwa nînie.

Hosea 13:6 ပူးပေါင်းရင်းမြစ်များ

Nehemia 9:35

Rîrîa maarî athamaki vûrûrirî wao matianagûtungata, na rîrîa maakenagîrîra maûndû meengî maro marîa wamaveete; vûrûrirî warî mûnene na mûnoru, nwatî matiatiga gwîka maûndû macûku.

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Nthi 30:9

nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Ezek 28:5

Ûûgî wa kwendia na kûgûra indo nîwongererete ûtonga waku na ûkagîa na mwîtîîo ngororî nîûndû wa ûtonga ûcio waku!

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Hosea 12:8

Efiraimu etîîaga akiugaga atîrî: “Nie nî mûtongu! Nînîcarîrîtie ûtonga mwîngî mûno! Gûtirî mûndû ûngiuga atî nagîre ûtonga ûyû na njîra ya maveeni, nie ndianaîa!”

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.

Hosea 2:7

Nîakaarûmîrîra arata ake, nwatî ndakamoona; nîakaamacaria; nwatî ndakamoona. Nake nîagaacoka auge atîrî, “Nîngûcoka kwa mûthuuri wakwa wa mbere; nîûndû vîndî îo narî mwaro gûkîra rîu.”

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Hosea 4:7

Wa ûrîa athînjîri-Ngai mongerekaga, nwaguo onthe mevagia mbere yakwa. Kwoguo nîngatûma riiri wao ûtuîke gîconoko.

Hosea 5:14

Nie ngethîrwa mbîkariî ta mûnyambû kûrî Efiraimu, ngethîrwa mbîkariî ta kaana ka mûnyambû kûrî Juda. Nie mwene nîngamatarûranga tûnuku ngînathiî, nîngamoca na gûtirî mûndû ûkaamavonokia.

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Hosea 8:4

Andû akwa nîmeethuurîre mûthamaki ndamavete rûtha, nîmeethuurîre atongoria arîa nie ndaicî. Nîmeerûthîrîte ngai cia sîlûva na cia thaavu, ûndû ûyû nîguo ûkamûthiria.

Gûco 32:18

Nîmaariganîrwe nî Îthiga rîrîa rîamaveere mwoyo, nîmaariganîrwe nî Ngai ûrîa wamaciarire.