Hosea 13:3 - ÎVUKU RÎA ÛVORO MWARO

³ Kwoguo nîmakaathira wa rîmwe ta nundu ya kîraûko, kana mathire wa rîmwe ta îme, kana ta mavûngo marîa magûrûkagua nî rûkûngi, kana ta ndogo îrîa yumaga nyomba.

Hosea 13:3 ပူးပေါင်းရင်းမြစ်များ

Ayubu 21:18

Mekariî ta macaki marîa magûrûkagua nî rûkûngi, kana ta makoro marîa magûrûkagua nî rûkûngi rûnene.

Ayubu 30:15

Nyitîtwe nî guoya nyîngî, gîtîîo gîakwa kîthirîte takwa kîgûrûkîtue nî rûkûngi; na mwîvoko wakwa wa kûvonoka ûvîtûkîte ta îtu.

Thaburi 1:4

Nwatî andû arîa aganu matiîkariî ûguo; mekariî ta macaki marîa magûrûkagua nî rûkûngi.

Thaburi 68:2

Amaûmbûraga ta ûrîa ndogo yûmbûragwa nî rûkûngi; andû arîa aganu mathiragua nî Ngai, ta ûrîa mûvûra ûrarûragwa nî mwaki.

Isaia 17:13

Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Zefania 2:2

mbere ya mûgûrûkue ta macaki makîgûrûkua nî rûkûngi, mbere ya marakara ma Ngai-Mûnene maûka kûrî mue, mbere ya mûkinyîrwa nî mang'ûrîka ma Ngai-Mûnene.

Zakaria 8:12

Nîmakaavanda marî na thayû. Mîthavibu yao nîîgaciara thavibu, mîgûnda yao nîîkaagîa na maketha meengî na nîgûkethagîrwa na mbura ya kwîgana. Andû akwa arîa matigarîte nîngaamava irathimo ino cionthe.