Hosea 12:6 - ÎVUKU RÎA ÛVORO MWARO

⁶ Nwatî nwa nginya ûcokerere Ngai waku, tongoraguani nî wendo na kîvooto, îîvokageni Ngai wenyu vîndî cionthe.

Hosea 12:6 ပူးပေါင်းရင်းမြစ်များ

Kîam 49:18

“Mbetererete ûvonokio waku we Ngai-Mûnene.

Thaburi 123:2

Taroria, wata ûrîa ndungata ciîvokete mwathi wacio, wata ûrîa ndungata ya mûndûmûka îîvokaga mwathi wayo wa mûndûmûka, nwaguo wanatue twîvokaga Ngai-Mûnene, Ngai wetû, nginya rîrîa agaatwîguîra ntha.

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

Thaburi 37:7

Vorera na weterere Ngai-Mûnene agûtethie; ndûkamakue nî arîa marathiî na mbere na maûndû mao, kana arîa mavangaga mîvango mîcûku na îgakinyanîra.

Ntha 3:15

Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Isaia 1:16

Îîthambieni, îîtherieni; tigani gwîka maûndû macûku marîa monaga mûgîka. Tigani gwîka maûndû macûku,

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 31:6

Mue andû a Isiraeli, garûrûkîrani ûcio mwaregire na vinya.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Jeremia 22:15

Ûreciria we wî mûthamaki nîguo ûcindane na gûtuma nyomba na mîtarakwe? Aguo nîwarîre na akînyua, na akîonania kîvooto na ûthingu, na maûndû make maarî maro.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Amosi 5:24

Vandû va ûguo, tiga kîvooto kînyûrûrûkage ta karûnjî, na ûthingu ûnyûrûkage ta rûnjî rûtavûcaga.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

Zakaria 1:3

Kwoguo îra andû Ngai-Mûnene mwene vinya wonthe augîte, ‘Njokererani nanie nîngûmûcokerera.’

Zakaria 7:9

“Tucanagîrani ciira wa kîvooto, îgucanagîrani ntha, na mûtuganage mûndû na mûndû ûrîa wîngî.

Zakaria 8:16

Maûndû marîa mwagîrîrwe nîgwîka nî kwaranagîria ûûma mûndû na mûndû ûrîa wîngî, gûtua ciira na kîvooto kîrîa kîngîrete thayû.

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.