Hosea 12:4 - ÎVUKU RÎA ÛVORO MWARO

⁴ Nîwagianire na mûraika na akîmûvoota, nîwamûkaîre na akîmûthaitha amûrathime. Arî Betheli nîwacemanirie na Ngai, na arî kûu Ngai nîwaranîrie nake.

Hosea 12:4 ပူးပေါင်းရင်းမြစ်များ

Kîam 25:26

Kaana ga kaîrî gaaciarirwe kanyitîte nthûng'wa ya Esaû. Kwoguo nîgaatuîrîrwe rîîtwa Jakovu. Isaka aarî na ûkûrû wa mîaka mîrongo îtandatû rîrîa twana tûu twaciarirwe.

Kîam 32:24

nwatî ke aatigirwe arî wenga. Mûndû ûmwe nîwaûkire na akîgiana nake nginya gûgîkîa.

Kîam 32:25

Rîrîa mûndû ûcio oonire atî nîakûvootwa nî Jakovu, nîwamûringire ngunguro, nakuo kûgûrû kwa Jakovu gûkîvenûka.

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Kîam 32:29

Jakovu nîwerire mûndû ûcio atîrî, “Nakûthaitha, mbîra wîtagwa atîa?” Mûndû ûcio nîwamûcokerie atîrî, “Ûrenda kûmenya rîîtwa rîakwa nîkî?” Nîwacokire akîrathima Jakovu.

Kîam 35:15

Nîwacokire agîta vandû vau maragîria na Ngai Betheli.

Kîam 48:15

Nîwacokire akîrathima Josefu na akiuga atîrî, “Ngai ûrîa methe makwa Iburahimu na Isaka maatungatagîra, na nîke Ngai ûrîa ûtwîre andongoretie nginya ûmûnthî arorathima twana tûtû!

Thaburi 66:6

Aagarûrire îria rîgîtuîka nthî nyûmû; andû nîmaaringire rûnjî na magûrû. Natue tûrî kûu nîtwakenire nîûndû wake.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

1Ath 4:17

Vuva wa ûguo, tue arîa tûkethîrwa tûrî mwoyo nîtûgaacokanîrîra vamwe nao matuurî nîguo tûtûnge Mwathani rîerarî. Kwoguo tûgatûûraga na Mwathani tene na tene.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.