Hosea 12:14 - ÎVUKU RÎA ÛVORO MWARO

¹⁴ Andû a Efiraimu nîmatûmîte Ngai akanwa nî marakara, magîrîrwe nî kûragwa nîûndû nîmavîtîtie, Ngai-Mûnene nîakamaverithia nîûndû wa maûndû macûku marîa mekîte.

Hosea 12:14 ပူးပေါင်းရင်းမြစ်များ

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

Ezek 18:10

“Angîthîrwa mûndû ûcio arî na mûvîcî ûcunanaga indo na nî aûraganaga, kana ageka maûndû mau

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 33:5

Nîweguire mûgambo wa karumbeta na nîwaregire kwîmenyerera, kwoguo nîagaacokererwa nî gîkuû gîake. Nwatî kethîrwa nîwemenyerere, nîangîavonokirie mwoyo wake.

Danieli 11:18

Vuva wa ûguo, nî akaatharîkîra mavûrûri marîa marî rûtere rwa îria na avoote meengî ma mo. Nwatî mûtongoria mûgeni nî akaamûvoota na amûverithie nîûndû wa ûng'endu wake; nama nîakaaverithia mûthamaki wa Sîria nîûndû wa ûng'endu wake.

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.

Gûco 18:18

Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.