Hosea 12:10 - ÎVUKU RÎA ÛVORO MWARO

¹⁰ Nie nînaririe na arathi; nînie namaveere cioneki nyîngî na njîra yao, nînîranîrîra mûvango wakwa.

Hosea 12:10 ပူးပေါင်းရင်းမြစ်များ

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

2Atha 17:13

Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Jeremia 19:1

Ngai-Mûnene ambîrire atîrî, “Thiî, ûgûre nyûngû ya yûmba na woce atongoria amwe a andû a Isiraeli na athînjîri-Ngai arîa akûrû,

Jeremia 19:10

“Nawe nîûgacoka ûrage nyûngû andû onthe arîa mwathiîte nao makîonaga,

Jeremia 25:4

Mue mûtienda kûmîgua kana kûmîthikîrîria wana ethîrwa Ngai-Mûnene atûûraga amûtûmagîra arathi ndungata ciake atagûtigithîrîria.”

Jeremia 7:25

Kuuma mûthenya ûrîa methe menyu maumire Misiri nginya ûmûnthî, ndwîre ndûmaga arathi, ndungata ciakwa kûrî o.

Ezek 17:2

“Mûndû! Gwatithania ndaî na warîrie andû a Isiraeli na ngerekano,

Ezek 20:49

Nînaacokire ngiuga atîrî, “Ngai-Mûnene! Andû aya mararia ûvoro wakwa makiugaga: ‘Kinthî mûndû ûyû ndaragia maûndû na ngerekano?’ ”

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Hosea 3:1

Ngai-Mûnene nîwambîrire atîrî, “Thiî rîngî, mûkendane na mûndûmûka ûrîa ûrî na ûrata na mûndûmûrûme wîngî na matharagia nake. Mwende wata ûrîa nie mendete andû a Isiraeli, wana ethîrwa nîmagarûrûkîte makambîrîria gûtungatîra ngai ciîngî na kûirutîra tûmîgate twa thavibu irîa nyûmithie.”

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Alawi 23:42

Mue andû onthe a Isiraeli mûgaatûûra tûnyombarî îvinda rîa mîthenya mûgwanja,

Amosi 7:14

Nake Amosi nîwacokerie Amazia atîrî, “Nie ndirî mûrathi wa kûrîvwa, kana ûmwe wa gîkundi Kîam arathi. Nîrî mûrîthi na mûmenyereri wa mûkûyû.

Ndari 12:6

Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

2Akor 12:1

Nie nwa nginya nîtîîe, wana ethîrwa gûtirî na ûndû mwaro nganyita nîûndû wa gwîtîîa. Nwatî rîu nîngûthiî na mbere kwaria ûndû wîgiî cioneki irîa noonirue na ngîguûrîrua nî Mwathani.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.