Hosea 11:1 - ÎVUKU RÎA ÛVORO MWARO

¹ Rîrîa Isiraeli aarî mwana nînamwendire, namûruta Misiri nînamwîtire mwana wakwa.

Hosea 11:1 ပူးပေါင်းရင်းမြစ်များ

Thaburi 129:1

Nthû ciakwa itwîre inyamaragia kuuma nîrî mwîthî andû onthe Isiraeli nîmauge ûguo.

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Ntha 4:22

Nawe nwanginya wîre mûthamaki, Ngai-Mûnene augîte atî, ‘Isiraeli nî îrikithathi rîakwa rîa mwanake.

Ntha 4:23

Nie naakwîrire ûreke andû akwa mathiî nîguo makangooce, nwatî nîwaregire. Rîu nîngûraga mwanake waku wa îrikithathi.’ ”

Isaia 43:4

Nîûndû mûrî andû a vata mbere yakwa, na nîmûtîîte na ngamwenda, nie nîngûnenganîra andû nîûndû wenyu, nîngûnenganîra mavûrûri nîguo nîmûvonokie.

Jeremia 12:7

Ngai-Mûnene arauga atîrî, “Nîndiganîrîtie andû akwa a Isiraeli, nîndeete andû akwa kîûmbe, nîndekereretie mwenda wakwa njararî cia nthû ciake.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Ezek 16:22

Ûgîka maûndû mau maku macûku wana ûkîvûra ûmaraa, ndwaririkana wana vanini vîndî îrîa warî mûnini na wagaragaraga ûrî njaga nthakamerî yaku.”

Ezek 16:6

“Rîrîa naavîtûkîrîre vakuvî nawe nînoonire ûkîgaragara nthakamerî yaku na ngiuga ûtûûre mwoyo.

Hosea 10:15

Ûguo nwa ta guo wana mue mûgekwa mue andû a Betheli, nîûndû wa mevia menyu manene. Gwakîa, mûthamaki wa Isiraeli nîagaacûkangua viû.

Hosea 12:13

Na njîra ya mûrathi Ngai-Mûnene nîwarutire andû a Isiraeli kuuma Misiri, na na njîra ya mûrathi Ngai nîwamagitîre.

Hosea 12:9

Nînie Ngai-Mûnene Ngai wenyu, ûrîa wakûrutire Misiri ûkomborî! nîngatûma mûcoke gûtûûraga magemarî rîngî, wa ta ûrîa mwîkaga mwaka wa mwaka vîndî ya kîrugo gîa tûnyomba.

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Hosea 2:15

Kûu nîkuo ngamûcokeria mîgûnda yake ya mîthavibu, nîngatua Kîamnda Kîam Akori mûromo wa kîîrîgîrîro. Akanûmagîrîra atakûringîrîrua ta ûrîa ekaga arî mwîthî, ta rîrîa aarî vûrûri wa Misiri.

Malaki 1:2

Ngai-Mûnene arauga atîrî, “Nie nînîmwendete mûno.” Nwatî andû a Isiraeli maûragia atîrî, “Ûtwendete atîa.” Nake Ngai-Mûnene akauga atîrî, “Na kinthî Esaû ndaarî mûrwang'ina na Jakovu? Nwatî nie nendire Jakovu,

Mathaayo 2:15

Nao nîmeekarire kuo nginya rîrîa Herode aakwire. Maûndû mama mekirwe nîguo ûvoro ûrîa Ngai aaririe na kanyua ka mûrathi ûvinge, rîrîa aaugire atîrî, “Nînetire Mûriû wakwa aume vûrûri wa Misiri.”

Gûco 33:3

Ngai-Mûnene nîwendete andû ake, na nîagitagîra andû ake. Kwoguo nîmenamagîrîra magûrûrî make, na makamûkîra mawatho make.

Gûco 7:7

“Ngai-Mûnene ndaamwendire na akîmûthuura nîûndû wa ûrîa mwarî eengî gûkîra andû a mavûrûri marîa mengî, nama mwarî anini mûno gûkîra mavûrûri marîa mengî ma nthî.