Hosea 10:5 - ÎVUKU RÎA ÛVORO MWARO

⁵ Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 10:5 ပူးပေါင်းရင်းမြစ်များ

2Atha 10:29

Nwatî Jehu nîwekire wîvia wata ûrîa wekirwe nî Jeroboamu, mûvîcî wa Nefati, ûrîa watûmire andû a Isiraeli mevie na njîra ya gûtûma magooce mîvuanano ya tûcaû twa thaavu îrîa yarî Betheli na Dani.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 23:5

Nîwatigithirie wîra athînjîri-Ngai onthe arîa athamaki a Juda maamûrîte na maarutagîra magongoona kûndû kûrîa gûtûgîru matûûrarî ma Juda na kûndû kûrîa kwarî vakuvî na Jerusalemu; acio nî athînjîri-Ngai onthe arîa maarutagîra Baali, riûa, mweri, njata na indo cionthe cia îgûrû magongoona.

2Maû 11:15

Jeroboamu nîwathuurire athînjîri-Ngai ake a gûtungata kûndû kûrîa gûtûgîru kwagoocagîrwa ngai ciake cia mîvuanano ya mbûri na njaû irîa aarûthîte.

2Maû 13:8

Rîu mûvangîte kûregana na ûthamaki ûrîa Ngai-Mûnene avete Daudi na njiarwa ciake nîûndû mûrî gîkundi kînene Kîam athigari na mûrî na mîvuanano ya njaû cia thaavu îrîa Jeroboamu aarûthire îtuîke ngai cienyu.

Isaia 46:2

Irenamîrîra na ikagwa irî vamwe, ngai icio itingîîvonokia, nwatî wanacio nîikaathiî îthamîriorî.

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Hosea 5:8

Vuvani coro kûu Gibea, na tûrumbeta kûu Rama. Vuvani kîng'ora kûu Bethaveni. Mue andû a Benjamini, tetemani!

Hosea 9:1

Mue andû a Isiraeli mûtigakene! Mûtigakûngûîre ta mavûrûri marîa mengî, nîûndû mwîthîrîtwe mûkîvûra ûmaraa, mûgatiganîria Ngai wenyu. Mûkenagîrîra mbeca cia ûmaraa, mûrî matîrirî monthe ma ngano.

Hosea 9:11

Ngumo ya Efiraumu nî îgûrûka ta gîconi, ciana itigaaciarwa, aka matikaaiga nda na matikagîa nda!

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Zefania 1:4

Nîngaverithia andû onthe a Juda na arîa onthe matûûraga Jerusalemu; nîngacûkangia matigari monthe ma Baali kuuma gûkû nthî, marîtwa ma athînjîri-Ngai arîa matungatagîra ngai cia mîvuanano mariganîre.

Ciîko 19:27

Kûronekana kûrî na ûgwati. Wîra ûyû wetû nîûkûgîa na îgweta rîcûku. Na twa ûguo wonga, andû nîmakwambîrîria gwîciiria atî hekarû ya ngai îo ya Aritemi ndîrî na vata. Ûnene wa ngai îo nîûgûcûkangua. Aritemi nîyo ngai ya mûndûmûka îrîa îgoocagwa nî andû onthe arîa marî Asia na marî kûndû kuonthe kwa nthî!”

Josh 7:2

Joshua nîwatûmire andû amwe makiuma Jeriko makîthiî Ai îtûûra rîrîa rîarî vakuvî na Bethiaveni mwena wa îrathîro wa Betheli. Joshua ameerire mathiî magatuîrie vûrûri ûcio. Na rîrîa andû acio maatuîririe vûrûri wa Ai,

Atir 18:24

Nake Mika nîwacokirie atîrî, “Mûrauga atîa rîrîa mûrambûria, nîrenda atîa? Mwakuua ngai îrîa naathondekire na mwathiî na mûthînjîri-Ngai wakwa! Natigwa na ndûî?”