Hosea 1:7 - ÎVUKU RÎA ÛVORO MWARO

⁷ Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Hosea 1:7 ပူးပေါင်းရင်းမြစ်များ

2Atha 19:29

Isaia nîwacokire akîra mûthamaki Hezekia atîrî, “Ûndû ûrîa ûgaakûmenyithia ûrîa gûgeekara nî atî, mwaka ûyû na ûcio wîngî, ûkaarîcaga irio imerete na igakûra cio mene, naguo mwaka wa kathatû kuuma rîu, nîûkaavanda ngano ciaku na ûkethe, na ûvande mîthavibu na ûrîe thavibu ciayo.

2Atha 19:34

Nîndûîrîra îtûûra rîîrî na nîrîvonokie nîûndû wa gîtîîo gîakwa nie mwene, na nîûndû wa ndungata yakwa Daudi.’ ”

2Atha 19:35

Ûtukû ûcio, mûraika wa Ngai-Mûnene nîwathiîre kûrîa andû a Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko Kîam mûthenya ûcio wîngî, nîmeethîrîrie athigari acio onthe marî akuû!

2Atha 6:18

Rîrîa andû a Sîria maathiîre kûrûa na Elisha, Elisha nîwavoire Ngai-Mûnene akîmwîra atîrî, “Nakûthaitha ûtûme andû aya matuîke itumumu!” Kwoguo Ngai-Mûnene nîwatûmire andû acio matuîke itumumu wata ûrîa Elisha aavoete.

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Thaburi 44:7

nwatî we nîûtûvonoketie kuuma kûrî nthû cietû, na nîûvootete arîa matûmenete.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Ntha 14:30

Mûthenya ûcio Ngai-Mûnene nîwavonokirie andû a Isiraeli kuuma kûrî andû a Misiri. Nao andû a Isiraeli nîmoonire andû a Misiri mamamîte rûtere rwa îria marî akuû.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 25:5

Maamwîraga atîrî, “Mûndû wa wonthe nîatigane na mîthiîre yake mîcûku na maûndû ma waganu; nîguo mûtûûre vûrûrirî ûrîa Ngai-Mûnene aamûveere vamwe na methe menyu ûtuîke wenyu tene na tene.

Jeremia 25:6

Mûtikarûmîrîre ngai ciîngî mûigooce kana mûitungatîre, wana kana mûndakarie nîûndû wa kûgooca mîvuanano îrîa mwerûthîre na njara cienyu. Mwathîkîra Ngai-Mûnene, ke ndakaamûverithia.

Jeremia 33:26

Kwoguo, nîngûtûûra mbigîte kîrîkanîro gîakwa na rûciaro rwa Jakovu na Daudi ndungata yakwa. Nîngathuura ûmwe wa rûciaro rwa Daudi atuîke mûthamaki wa njiarwa cia Iburahimu, Isaka na Jakovu. Nîûndû nîngeguîra andû akwa ntha na ndûme mathatûkwe.”

Hosea 1:8

Rîrîa Gomeri aatigithirie mwana ûcio wîtagwa, “Ûtegucagîrwa ntha” kwonga, nîwagîre îvu na agîciara mwana wa kaîrî wa kavîcî.

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

1Sam 17:47

Nao andû aya onthe marî ava nîmakûmenya atî Ngai-Mûnene ndavonokanagia na rûviû rwa njûra na îtumû. Ke nîke ûvootanaga mbaararî na nîke ûgûtûma tûmûvoote mue muonthe.”