Hosea 1:6 - ÎVUKU RÎA ÛVORO MWARO

⁶ Gomeri nîwagîre na îvu rîngî, na agîciara mwana wa kerîtu. Nake Ngai-Mûnene nîwerire Hosea atîrî, “Tuîra mwana ûcio rîîtwa ‘Ûtegucagîrwa ntha,’ nîûndû ndikeguîra Isiraeli ntha rîngî kana nîmovere.

Hosea 1:6 ပူးပေါင်းရင်းမြစ်များ

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Hosea 1:8

Rîrîa Gomeri aatigithirie mwana ûcio wîtagwa, “Ûtegucagîrwa ntha” kwonga, nîwagîre îvu na agîciara mwana wa kaîrî wa kavîcî.

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Hosea 2:4

Wana ndikeguîra ciana ciake ntha, nîûndû nî ciana iciarîrîrtwe ûraarî.

Amosi 7:8

Nake Ngai-Mûnene nîwambîrire atîrî, “Amosi, ûrona ndûî?” Nanie nînamûcokerie atîrî, “Nîrona kabirû.” Ngai-Mûnene nîwacokire akîmbîra atîrî, “Taroria! Nînaiga kabirû gatagatî ka andû akwa a Isiraeli. Ndingîricûkwa rîngî îgûrû rîgiî kûmaverithia.

Amosi 9:8

Nie Ngai-Mûnene nîndoretie ûthamaki mwîvia wa Isiraeli, nîngaûcûkangia ûthire gûkû nthî, nwatî ndikaathiria nyomba ya Jakovu viû.

1Pet 2:10

Vîndî îmwe mûtiarî andû a Ngai, nwatî rîu mûrî andû ake. Vîndî îmwe mûtiarî akinyîre nî ntha cia Ngai, nwatî rîu mûrî akinyîre nîcio.